هەوەیێن هێژا ئاگەهدار دکەین کو دێ خۆلەکا نوی یا پێداگۆجى (رێكێن وانەگوتنێ) بو هەلگرێن باوەرنامێن ماستەر و دكتورایێ یێن حەزا وەرگرتنا ناسناڤێ زانستى هەی هێتەڤەكرن. ژ بو ناڤ توماركرنێ سەرهدانا سەنتەرێ مە بکەن ل ئاڤاهیێ سهنتهرێ رهوشهنبیرى و جڤاکی یێ زانكۆیا دهوك. ناڤ توماركرن دێ دەست پێ کەت هەر ژ سوباهى رێکەفتی 2021/03/15 ل دەمژمێر 4:00 تا 7:00 ێ ئێڤاری.
بو پتر پێزانینان پەیوەندیێ ب ژمارە 07507801069 بكەن.
مه رجێن پشکداریکرنێ ل خارێ دیارکری نە.
تێبینی: فورمە ناهێتە پرکرن ئەگەر ئێك ژ مەرجان دگەل دا نەبیت.
مەرجێن بەشداریکرنێ
Participation Requirements
- هەلگرێ باوەرناما (ماستەر یان دکتورا)ێ بیت ژ زانکۆیەکا باوەرپێکری یێن هەرێما کوردستانێ یان دەرڤەی هەرێمێ.
- ئەگەر پێشکێشکار ل زانکۆیەکا دەرڤەی وەلاتی خواند بیت، پێدڤی یە بریارا یەکسانکرنا باوەرنامێ ژ وەزارەتا خواندنا بلند یا هەرێما کوردستانێ بۆ دەرچووبیت، ئەگەر دەرنەچووبیت مافێ بەشداریکرنێ نابیت.
- پێدڤی یە ئاستێ شیانێت زمانێ ئینگلیزی (5) یا (IELTS) هەبیت، یان نمرا (59) یا (TOEFL-IBT) یان نمرا (495) یا (TOEFL-PBT)، یان (47) یا (Person Academic-PTE) هەبیت لدەمێ پێشکێشکرنێ، یان باوەرناما ئاستێ (Pre-Intermediate) ژ سەنتەرێن زمانی ل زانکۆیەکا هەرێمێ بسەرکەفتیانە بدویماهیک ئینابیت، و ل تاقیکرنا دوماهیێ دەرچووبیت، ئەوا ژ لایێ رێکخراوا (Amideast) دهێتە برێڤەبرن، یان سەنتەرێن زمانێ ئینگلیزی ل زانکویان، ل دیف رێنمایێن نوی یێن خولێن زمانێ ئینگلیزی ل وان سەنتەران. بەروڤاژی ڤێ چەندێ مافێ بەشداریکرنێ نابیت.
- پێدڤییە مێژوویا باوەرناما ئاستێ زمانێ ئینگلیزی بسەرڤەنەچووبیت. بو زانین باوەرناما زمانێ ئینگلیزی هەتا ٣ سالان کار پێ دهێتە کرن.
- ئەگەر نمرا باوەرناما تاقیکرنا (IELTS)ێ (6.5) یان بەرامبەری وێ نمرێ ژهاوشێوێت وێ وەک (Person Academic-PTE, TOEFL-PBT , TOEFL-IBT)هەبیت و (صحة صدور) هاتبیتە کرن، مێژوویا بسەرڤەچونێ نینە.
- لێچوویێن بەشداریکرنێ د خولێ دا (500,000) هزاردینارن.
بەڵگەنامێن پێدڤی
Required Documents
- کوپییەک ژ فەرمانا پێدانا باوەرناما ماستەرێ یان دکتورایێ.
- بریارا یەکسانکرنا باوەرنامێ ژلایێ وەزارەتا خواندنا بلند یاهەرێما کوردستانێ (بتنێ ئەگەر ژ دەرڤەی وەلاتی خواندبیت).
- کوپیەکا باوەرناما دەرچوونێ (بکالوریوس) کو نمرێن هەر چار سالا و تێکرایا نمرا دەرچوونێ تێدا دیارکری بیت.
- کوپیەک ژ باوەرناما ئاستێ زمانێ ئینگلیزی یا رەنگا و رەنگ.
- کوپیەکا رەنگا و رەنگ یا بەرپەرێ ئێکێ یێ پاسپورتێ.
- وێنەیەکێ نوی.
- پسۆلا ژمێریاری یا لێچوویێن بەشداریکرنێ د خۆلێ دا.