ل رێکەفتى ١-٦-٢٠١٦ ئینگص میکی قونصلێ بریتانى ل هەڤلێرێ سەرا زانکۆیا دهوک دا، هاتە پێشوازى کرن ژلایێ پروفیسور دکتور مصلح محمد سعید دهوکى سەروکێ زانکۆیێ و هاریکارێ سەروکێ زانکۆیێ بو کاروبارێن زانستى د.صباح وەیس.
دروینشتنەکێ دا سەروکىێ زانکۆیێ بخێرهاتنەکا گەرم ل جەنابێ وى کر و داخوازا دەمەکێ خوش بوخواست ل دهوکێ ببورینیت، ژلایەکێ دیڤە بەحسێ کارو پرۆژێن زانکۆیێ وپێشڤەبرنا پروسێسا خواندنێ ل کوردستانێ بگشتى و ل پارێزگەها دهۆکێ بتایبەتى.
دویڤدا سەرقونصلێ بریتانیا ل کوردستانێ سوپاسیێن خو ئاراستەى سەروکێ زانکۆیێ و ستافێ وى کر بو وێ پێشوازیا لێهاتیە کرن و ویژى بەحسێ وان چالاکیا کر یێن کو قونصلگەریا بریتانیا ئەنجام ددەت ل کوردستانێ و مەرەما سەرەدانا خو بو زانکۆیێ دا دیارکرن.
پاشان قونصلێ بریتانیا سمینارەک بو قوتابیێن
خواندنا بلند ماستەر و دکتورایێ پێشکێش کر. ل دەستپێکێ بەحسێ پەیوەندیێن دیروکى
یێن دناڤبەرا بریتانیا و کوردستانێ دا هەى و بەردەوامیا وان پەیوەندیان و موکم
کرنا وان و هاریکارى کرنا کوردستانێ دوارێ لەشکەرى دا ل دژى رێکخراوا تیرورستى یا داعش
و سوز دا لدویف شیانا دبەردەوام بن لسەر هاریکاریا کوردستانێ دوارێ سەربازى و
دهەمى بیاڤەکێ دا و بتایبەت د بوارێ خواندنێ و پێشڤەبرنا وێ .