ئەڤرۆ رۆژا ١٦-١١-٢٠٢١ ب هەلکەفتا ١٦ رۆژێن بەرهەنگاربوونا توند و تیژیێ دژی ئافرەتێ یا جیهانی ، سەنتەرێ جێندەرناسی سەر ب زانکۆیا دهۆک ڤە ب هەڤکاری دگەل پشکا سسیولوژی سەر ب کولیژا زانستێن مرۆڤایەتی خولەکا هشیارکرنێ لژێر ناڤێ “ یەکسانی بنیاتێ بەختەوەری و خێزانا ساخلەمە” بو قوتابیێن کولیژێ هاتە ڤەکرن و ب ئامادەبوونا د.مزگین محمد حسن راگرێ کولیژا زانستێن مرۆڤایەتی خول دەستپێکر.
د.سامیە سعید سەرپەرشتا ڤێ خولێ دا دیارکرن کو مەرەم ساخکرنا ڤێ هەلکەفتێ یە و هەر وەسا هشیارکرنا جڤاکیە ژ رەفتارێن توند و تیژیێ.
دیسان سەرپەرشتا ناڤبری دیارکر کو ئەڤ خولە دێ بو ماوێ سێ رۆژان یا بەردەوام بیت و گەلەک ماموستایێن بسپور دێ ڤێ خولێ برێڤەبن ب بابەتێن جودا و گرێدای ب ئافرەتێ ڤە دێ هێنە بەحسکرن و گەنگەشەکرن.