كولیژا زمانان – زانكویا دهوكێ
1- مێژوو: كولیژا زمانان ل سالا 2016 ێ ل زانكویا دهوكێ ب فهرمى هاتیه دامهزراندن، پشتى ههرسێ پشكێن: زمانێ كوردى و زمانێ ئینگلیزى و وهرگێرانێ هاتینه جوداكرن ژ ( كولیژا زانستێن مروڤایهتى) ژبۆ پێكهینانا ( كولیژا زمانان)، بەلێ ههژی گووتنێیه، کو دامەزراندنا پشكێن ئهڤێ كولیژێ د زڤریته میژوویەکا کەڤنتر، ل سالا 1994 ێ پشكا زمان و ئهدهبێ كوردى هاتیيه ڤهكرن و سالا د دویڤدا پشكا زمان و ئهدهبێ ئینگلیزى هاتیه ڤهكرن كو ل وى دهمى ب سهر (كولیژا ئادابێ)ڤه بوون، لێ پشكا وهرگێرانێ ل سالا 2010 هاتیه ڤهكرن. ئارمانجا كولیژێ فێركرنا زمانێ كوردى و زمانێ ئینگلیزیه، ههروهسا پێگههاندن و دهرچونا قوتابیێن شارهزا و خودان شیان د بوارێ وهرگێرانێ (نڤێسكى و زارهكى) و وانهگوتنێدا. كولیژا زمانان پلان بۆ بهرفرههكرنا كولیژێ ژبۆ پاشهروژێ ههنه داكو ژمارهكا زمانێن بهربهلاڤ و زیندى ىیێن ناڤدهولهتى یان ناڤخویى بخوڤهبگریت. ل سالا 2017 ێ كولیژا زمانان پروگرامێ ماستهرێ (TESOL) ڤهكریه، بۆ پڕكرنا پێدڤیاتیا كولیژێ یا بهردهوام ب ماموستایێن شارهزا یێن زمانێ ئینگلیزى وهك زمانهكێ بیانى. ل دوماهیێ، كولیژا زمانان سهنتهرهكێ تایبهت ههیه بۆ فێركرنا زمانێ ئینگلیزى وهك زمانێ بیانی، ئهڤى سهنتهرى پروگرامێن تایبهت ههنه بۆ گهشهپێدانا قوتابیان، ب تایبهتى ئهو قوتابیێن پێشكێشى خواندنا بلند ل زانكویا دهوكێ دكهن.
2- دید ( vision): فێركرنا زمانێن بیانى ئالاڤهكه بۆ تێگههشتنا ههمهجوریا كهلتورى يا جیهانێ.
4- پهیام پروگرامێن زمانى ل كولیژا زمانان ژبۆ مهبهستا پێگههشتنا قوتابیان هاتینه دارێژتن، بۆ تمامكرن و گهشهكرنا شیانێن خوه بۆ دانوستاندنێ ب ئهوى زمانێ دخوینن، ژپێخهمهت دروستكرنا ژینگهههكا ئهكادیمى ب رێكا فێركرنهكا نموونهیى. پێدڤیاتیا شیان و چالاكیێن زمانى ئهڤرو د جیهانگیریا ئابوریدا ل سهر ئاستێ ناڤدهولهتى بهردهوام د زێدهبوونێدایه وهك حكومهت و دهزگههێن بازرگانى و رێكخراوێن دروستكرنا پهیوهندیان، ژبهر ڤێ چهندێ ئهم وهك كولیژ، مه كاركریه بۆ پێشڤهبرنا ههرچار شیانێن زمانى (خاندن و نڤێسین و ئاخڤتن و گوهدان) ل دهڤ قوتابیان ب رێكا زنجیرهكا كورسان، كو بابهتێن زمان و زمانڤانی و ئهدهب و وهرگێران و پێداگوجیێ بخوڤهدگرن، ههروهسا ب رێكا هندهك چالاكیێن دهرڤهى بهرنامێ وانهگوتنێ، ب ڤێ چهندێ ئهم قوتابیان پێدگههینین بۆ ناڤ هێزا كارى یا جیهانى.
5- ئارمانج: پشكێن زانستى ل كولیژێ بۆ بجههینانا مهبهستێن خو ههولددهن ئهڤان ئارمانجێن ل خوارێ دیاركرى بدهستڤهبینن، پێدڤیه ههر قوتابیهك:
6- پروگرامێ خواندنێ كولیژا زمانان كورسێن تایبهت و ههژى پێشكێشى كاندیدێن بهكالوریوسێ دكهت بۆ قوتابیێن پشكا زمانێ ئینگلیزى و پشكا زمانێ كوردى و وهرگێرانێ. پروگرامێن كولیژا مه یێن ماستهرێ ل ئهڤان پشكان دهرفهتێن جودایێن كارى بۆ قوتابیێن وێ تهرخاندكهت، دهرچوویێن ماستهرێ دشێن بهردهوامیێ بدهنه كارێ ئهكادیمى و پێشكێشی پروگرامهكێ دكتورایێ بكهن د بوارێن زمانڤانی و وهرگێرانێدا، یانژی ئهو دشێن مفاى ژ شیانێن خو یێن زمانى و شلوڤهكارى د كارێن نهئهكادیمیدا ببینن كو گرێداى بن ب بوارێ زمانی و گههاندنێڤه. ههلگرێن باوهرنامێن ماستهرێ د شێن ل سهر بابهتێن زمانى ل سهر ئاستێ ئهكادیمى كار بكهن، ئهو فێرى پوختهكرن و رێكخستنا پێزانینان دبن بۆ ههلسهنگاندنا شلوڤهكرنێن جودا. ههروهسا شیانێن پلاندان و چێكرنا ڤهكولین و پروژهیان ل وان پهیدا دبیت، ب ڤان شیانان ئهو دشێن ل گهلهك جهان كاربكهن وهكو پهیمانگههێن فێركرنێ و دهزگههێن وهرگێرانێ و روژنامهڤانیێ.
1- پشكا زمانێ كوردى
پشكا زمان و ئهدهبێ كوردى ل زانكويا دهوكێ ل سالا (1994) وهكو پشكهك سهر ب كولیژا ئادابێڤه هاته ڤهكرن و يا بهردهوام بوويه ههتا سالا 2016 ، كو ل وێ سالێ پشتى كوليژا زمانان ل كوليژا زانستێن مروڤايهتى هاتيه جوداكرن بوويه پشكهك ل پشكێن كوليژا زمانان، كو ههتا نهو يا بهردهوامه و ههرسال قوتابيان د ههرسێ ئاستێن بهكالوريوس، ماستهر و دكتورايێدا وهردگريت. سیستهمێ خواندنا بهكالوريوسێ ل ئهڤێ پشكێ چوار سالن، كو ههر سالهك ل دوو سمستهران پێكدهێت واته سهرجهمێ وان (8) سمستهرێن خواندنێنه، ل دوماهیێ قوتابى باوهرناما بهكالوریوسێ ب زمان و ئهدهبێ كوردى وهردگرن، ههروهسا قوتابى ل ڤێ پشكێ دشێن بهردهوامى ب خاندنا بلند بدن ل قوناغێن (ماستهر و دكتورا)یێ ب ههردوو پسپوریان ( پسپوريا گشتى زمان و پسپوريا گشتى ئهدهب) كو ههريهك ل ڤان پسپوريێن گشتى چهندين پسپوريێن هويرتر و تايبهتى بخوڤه دگرن و قوتابى دشێت تێدا بهردهواميێ بخواندنێ بدهت. ههلبهت خواندنا ماستهرێ ل سالا (2000) ل ڤێ پشكێ هاتيه ڤهكرن و خواندنا دكتورایێ ل ساڵا (2011) كو ههتا نهو ب ههر دوو پسپوريان و ههر دوو ئاستان قوتابى دهێنه وهرگرتن و خاندن تێدا يا بهردهوامه. ل ڤێ پشكێ ژمارهكا باشا ماموستايێن خودان شيان و بروانامێن بهرز تێدا وانان دبێژن كو (21) ژ ماموستايێن ڤێ پشكێ خودانا برواناما دكتورايێنه و ( 2) پروفيسور و (15) ماموستايان ناسناڤێ پروفيسورێ هاريكار ههيهو و (20) ماموستا ژى خودان برواناما ماستهرێنه و (10) ژوان ناسناڤێ ماموستا و (10) ژ وان ژى ماموستايێن هاريكارن.
دیتنا پشكێ: ديتنا پشكێ پێگههاندنا كهسانێن پسپوره د بیاڤێ زمان و ئهدهبێ كوردیدا كو ههولا پێشئێخستنا زمانێ كوردی بدهن، چونكى مهسهلا زمانی گرێدايى ئاسایشا نهتهوهییه ب تایبهت د ئهڤى سهردهمێ ههستیاردا و زێدهتر ههول بهێنه دان بۆ پتر خزمهتكرنا زمانێ كوردى ب رێكا بهردهوامیدان ل سهر خواندن و ڤهكۆلینێن ئهكادیمى د بوارێ زمانێ كوردیدا، ههتا ژ پیڤاژوا بزاڤا پێشكهفتنخوازا زمانێن جیهانى نههێته دابرین. يا ديتر ئارمانج ئهوه زمانێ كوردى ژى مل ب ملێ زمانێن جيهانى ببيته زمانێ زانست و زانينێ و ناڤهندێن گرنگێن فێربونا زمانێ كوردى ژى ل ولاتێن بيانى بهێنه ڤهكرن، بۆ پتر ناساندنا كهلتور و مێژو و فهرههنگ و شارشتانيهتا كوردى، دگهل هندێ دهمێ وێ هاتيه كو ئهم ژى وهك كورد بشێين زمان و ئهدهبێ خو ههم ب رێكا بهرههمێن زانستى و ههم ب رێكا ئهڤان پسپورێن د بوارێ زمان و ئهدهبێ كورديدا كار دكهن، ب وهرگێرانا وان بۆ زمانێن بيانى بگههينينه تهڤايا جيهانێ و كهلتور و تێراوانينێن خو بۆ ژيانێ بۆ جيهانيان بدهينه دياركرن، چونكى زمان و ئهدهب د ههمى ولاتاندا ئێك ژ تهوهرێن ههره گرنگه بۆ ناساندنا ناسنامه و كهلتور و شارشتانيهتا ههر ولاتهكێ، لهورا بومه وهك كورد سهرهرايێ بهايێ زانستى و پسپورى بهايهكێ نهتهوايهتى ژى ههيه، چونكى دڤێت ب رێكا زمان و ئهدهبا خو ئهم بشێين بهرهڤانيێ ل ناسناما و كهلتور و ههبوونا خو بكهين، لهورا ئهو كهسانێن دڤى بواريدا كار دكهن و ل داهاتى دهێنه ڤێ پشكێ دڤێت، ب بيرو باوهرێن كوردايهتى ئهڤى ئهركى بستويێ خوڤه بگرن و ب بهرپرسياريهتى ئهڤى ئهركى جێبهجێ بكهن، بێ شك ئهو مللهتێ كو گرنگيێ ب زمان و ئهدهبا خو نهدهت ژلايێ ناساندنا كهلتور و ناسناما خو دێ يێ پاشڤهمايى بيت، يان ئهو ولاتێن نهشياى بهرهڤانيێ ژ كهلتور و ناسناما خو بكهن هوكار ئهوه، كو نهشياينه وهكو پێدڤى زمان و ئهدهبا خو بدهنه دياركرن و ب چاڤهكێ نزم سهحكريه زمان و ئهدهبا خو، لهرا يا گرنگه ئهم وهك كورد بشێين باشتر خزمهتا زمان و ئهدهبا خو بكهين و باشتر بۆ خهلكهكێ خو بدهينه نياسين، ژبهر ڤێ چهندێ ههلگرتنا ئهڤى بارى، بارهكێ گرانه و پرى بهرپرسيارهتيه، لێ دگهل هندێ دڤێت ئهوێ چهندێ ژى بزانين كو ئهڤ خزمهتكرنه بۆ ولاتى و مللهتێ خو خزمهتهكا ههرى مهزنه.
پهیاما پشكێ: پهیاما پشكێ پێشكێشكرنا پروگرامهكێ خواندنێ بۆ ب دهستڤههینانا باوهرناما بهكالوریوسێ و ماستهرێ و دكتورایێ ب ههردوو پسپوریێن ئهدهب و زمان د بوارێ ئهدهب و زمانێ كوردیدا، ئهڤ پروگرامه پێكهاتیه ژ وانهبێژى و خواندنهكا سهردهمیانه یا تێروتهسهل ل سهر پسپوریا ئهدهب ب قۆناغ و جۆر و بیاڤێن ئهدهبى و ههروهسان زمان ب ههر سێ ئاستێن خوڤه لێ دهێنه وهرگرتن، زێدهبارى ههولدان بۆ پێشكێشكرنا شههرهزایێ بۆ قوتابیان د لایهنێن پراكتیك و رهخنه و شلوڤهكرنێدا ب ئاوایهكێ پێشكهڤتى بۆ ئهنجامدانا كارهكێ سهركهڤتى و ب دهستڤههینانا رهوشهنبیریهكا بهرفرههـ. ههلبهت گرنگيدانا ب زمانێ كوردى ل دويڤ وان تيورانه ئهوێن زمانێن جيهانى پێ دهێنه شروڤهكرن و پراكتيزهكرنا ڤان تيوران ل سهر زمانێ كوردى دێ باشتر لايهنێن ئهرێنى و نهرێنيا زمانێ كوردى بۆ مه دهنهدياركرن، ژلايهكێ ديتر گرنگيدانه ب لايهنێ ئهدهبى و ئاشناكرنا قوتابيانه ب ميتود و بنهمايێن رهخنهيى و ئهدهبيێن جيهانى و شروڤهكرنا تێكست و بابهتێن ئهدهبيێن كوردى ل دويڤ ڤان تيور و ميتودان كو د ئهنجامدا پێگههاندنا قوتابيهكێ خودان شيانه بۆ خزمهتكرنا زمان و ئهدهبێ كوردى.
بازارێ كارى بۆ دهرچوويێن پشكێ: ههلبهت بازارێ كارى بۆ ئهڤێ پشكێ بێگومان وهكى پشكێن ديتر نينه، لێ دگهل هندێ ڤهديتنا كارى بۆ ڤێ پشكێ زێدهتر يا گرێدايه ب دهزگههێن حكوميڤه، چونكى ئهو جهێن دهرچويێن ئهڤێ پشكێ تێدا كار دكهن زۆرينا وان سهر ب دامو دهزگههێن حكوميڤهيه، دگهل هندێ رهنگه هندهك دهرفهتێن كارى ژى ههبن كو يا گرێدايه ب شيان و كارامهيا دهرچويێن وێڤه، پشتى قوتابى ل ڤێ پشكێ دهردچيت دشێت وهك ماموستا ل ناڤهندهكا خواندنێ كارێ ماموستايێ بكهت بۆ گوتنا بابهتێ زمان و ئهدهبێ كوردى كو ل ههمى قوناغێن خاندنێ ههتا پولا دوازدێ ل قوتابخانێن سهر ب وزارهتا پهروهردێڤه دهێته خاندن، ههروهسا دهرچويێن وێ دشێن وهكى رهخنهگرهكێ ئهدهبى، نڤيسهر، وهرگێر، ڤهكولهر د ناڤهندهكا رهوشهنبيرى و فێركرنێدا، ههلسهنگێنهرێ زمانى د ناڤ دهزگههێن ميرى و ب تايبهت دهزگههێن راگههاندنێ، پهرتوكخانه و دهزگههێن چاپ و نڤيسينێدا كار بكهن. لهورا باشترين جهـ پشتى كارێ وانهبێژيێ، دهزگههێن چاپكرنێ و راگههاندنێنه بۆ دهرچويێن ئهڤى بهشى كو تێدا دشێن بهرنامێن ئهدهبى، راديويى و تلهفزيونى و د هوبێن رهوشهنبيريێن ههمى فهرمانگه و وهزارهتێن ولاتيدا كار بكهن.
ئارمانجێن پشكێ: ئارمانجا ههره سهرهكى ژ دامهزراندنا پشكێ بهرههڤكرنا قوتابیان ل سهر شیانێن زمانى و بهرفرههكرنا ئاسویێن وانێن رهوشهنبیری و ئهدهبى د بیاڤێ زمان و ئه دهبێ كوردیدا، ژ پێخهمهت بهردهوامیدان ب پێشڤهبرنا پروسێسا خواندنێ و خورتبوونا بزاڤا زانستى ل سهر بنهمایهكێ ئهكادیمی. ههروهسان پێشڤهبرنا ئاستێ رهوشهنبیرى یێ قوتابیان و گهشهكرنا ئاسویێن زانیاریێ ل دهڤ وان ب تایبهتى د ئهوان بیاڤێن پێدڤیدا، ئهوێن پهیوهندى ب كهلتور و چاندا كوردیڤه ههى. وهرگرتنا پێزانینێن پێدڤى ل سهر بنهمایێن زمانڤانى و زمانێ دایكێ و بكار هينانا زمانهكێ زانستى بۆ پتر خزمهتكرنا زمان و ئهدهبا كوردى .
2- بهشێ زمان وئهدهبێ ئینگلیزى:
د دهمێن گهشهپێدانا جیهانبوونا زمانى، بهشێ زمانێ ئینگلیزى ههول ددهت توانست وشیانێن زمانێ بیانى و كهلتورێن جیاواز پێش بێخیت. زانینا زمانهكێ بیانى ئیمتیازهكه بۆ ئاخڤتنكهران؛ دهرفهتێن مهزن ههنه بۆ وان كهسێن زمانهكێ بیانى دزانن. د ڤى وهختىدا، داخوازى ل سهر شارهزایێن زمانى گهلهكه و د ههمى بوارێن ژیانێدا، مینا خزمهتگوزاریێن گشتى، میدیا و پهیوهندى، سهفهر و گهشتوگوزار، زانست و تهكنهلوژیا، ڤهكولین و پهرهرده و گهلهكێن دیتر. لهورا، باورناما بهكالویوس ب زمانێ ئینگلیزى و شیانێن زمانى وكهلتورى ئهویێن پێدڤى د ههمى بواراندا ل دهڤ مروڤى پهیدا دكهت. ههروهسا رێكهكه بۆ ئامادهكرنا ماموستاێن زمانێ ئینگلیزى وهك زمانهكێ بیانى ل قوتابخانێن دوا اوندى وئامهدهیى زێدهبارى ئامهدهكرنا ڤهكولهران ل سهر ئاستێ زانینگههێ.
بهشێ زمانێ ئینگلیزى ل سالا 1994 هاته ڤهكرن وهك بهشهك ژ كولیژا ئادابێ. ل دهستپێكێ، وهكو بهشهكێ پچویك وخودان شیانێن سنوردار دهاته نیاسین. بهلێ ب بورینا دهمى، ئهڤ بهشه پێشكهڤت و ژمارا ماموستا وقوتابیان ب شیوهكێ بهرجاڤ زێده بوو. نها، ئهڤ بهشه ژ 28 ماموستایان (8 دكتور و22 ماستهر) پێك دهێت. تا نها، ب سهدههان قوتابیێن بهكالوریوسێ ههر ژ سالا 1998 ێ ژڤى بهشى دهرچووینه، زێدهبارى دههان قوتابیێن ماستهرێ كو ل سالا 2007 بو ئێكهم جار خواندنا ماستهرێ ل ڤى بهشى هاتیه ڤهكرن.
ل ڤێ دوماهیێ و ل سالا 2016، بهشێ زمانێ ئینگلیزى چوو سهر ب كولیژا زمانانڤه. ئهڤا ل خوارێ كورتیهكه ل سهر شێواز و مهرهم و ئامانج و دیتن و ئهركێ بهشێ زمانێ ئینگلیزى ل كولیژا زمانان- زانكویا دهوك:
شێوازى خواندنێ:
بهكالوریوس: زمان وئهدهبێ ئینگلیزى، زمانڤانى.
خواندنا بلند: ماستهر ب زمانڤانى و TESOL
ماوێ خواندنێ:
بهكالوریوس: چوار سال (سپێدهیان وئێڤاران(
ماستهر: دوو سال
مهرهم وئامانجێن بهشى:
- گرنگى دان (هاندان) ب پێشڤهچوونا پروڤیشینالا بهردهوام یا كولیژێ.
- دابینكرنا بهرنامهكێ خواندنێ، كو خزمهتا ههمى پێدڤیێن بهشى بكهت.
- پێشئێخستنا شیانێن گههاندنێ یێن قوتابیان د بوارێ زمانێ ئینگلیزيدا.
- بلندكرنا شیانێن قوتابیان، كو بشێت دروست بخوینیت و بنڤیسیت وهزرا رهخنهگریێ ل دهڤ پهیدابیت دهمێ زمان و ئهدهبێ ئینگلیزى دخوینیت.
- فێركرنا قوتابى كو بشێت ب شیوهكێ دروست ڤهكولینان ل سهر زمان یان ئهدهبێ ئینگلیزى بنڤیسیت برێكا لێگهریان و بكارهینانا ژێدهران ل پهرتوكخانێ و ئهنتهرنێتێ و دبوارێ مهیدانى دا.
دید:
- ئهم ههول ددهین زانین و حهژێكرنا زمان و ئهدهبێ ئینگلیزى ل دهڤ قوتابیان پهیدا بكهین.
- دابینكرنا بهرنامه و كورسێن خواندنێ یێن ب مفا و ئێگرتى ژلایێ هزران، بۆ قوتابیان.
- فێركرنا شیانێن شیكارى و فێركرنێ و تیورى یێن جودا و جودا ل سهر زمان و ئهدهبێ ئینگلیزى.
- فیركرنا قوتابیان كو بشێن ب شیوهكێ گاریگهرانه و ئهكادیمى باخڤن، بنڤیسن و بخوینن.
- هاندانا قوتابیان كو ب كویرى هزربكهن و بوچوونا خو ههبیت ل سهر وان تشتێن فێربووین.
- هاندانا قوتابیان بۆ حهزژێكرن و رێزگرتنا خواندن و فێركرنێ.
زێدهبارى ڤێ چهندێ، ئهم وهك ماموستایێن بهشێ زمانێ ئینگلیزى، ئهم ههول ددهین:
- پهربرساتیا وێ چهندێ ههلگرین كۆ ههردهم كوالیتى ئارمانجا سهركى یا ههمى چالاكیانه.
- دابینكرنا سهقایهكێ باوهریێ، ئاشتى و لێك تێگههشتنێ بۆ پێشڤهبرنا ئهزموونا فێركرنێ ل دهڤ قوتابیان.
- چاڤدیرى و نویكرنا گیانێ تیمێ و پالپشتیا ههلویستان د ناڤبهرا ههمى ئهندامێن خێزانا بهشێ زمانێ ئینگلیزيدا.
ئارمانجێن بهشێ زمانێ ئینگلیزى:
- ئاڤاكرن و پهیداكرنا توانستا زمانى ل دهڤ قوتابیان.
- پێشڤهبرنا هزركرنا رهخنهیى وهشیاریا كهلتورى ل دهڤ قوتابیان ب رێكا فێربوونا زمانهكێ بیانى.
- ناساندنا قوتابیان بۆ بابهتێ ئهدهبێ ئینگلیزى ب رهنگهكى كو قوتابى وێ چهندێ تیبگههیت كو ئهدهبێ ئینگلیزى دهێته خواندن بۆ ئاڤاكرنا شیانێن زمانى
پشکا وەرگێرانێ، کولیژا زمانان، زانکۆیا دهۆک
- ئەرکێ پشکێ
پشکا وەرگێرانێ هەولا پێشکێشکرنا بەرنامەیێن بشێوەکێ ناڤدەولەتی دانپێدان پێ هاتینە کرن دکەت بۆ خواندنێن بەکالوریوس و خواندنێن بلند ب زمانێ ئینگلیزی و د بیاڤێ وەرگێرانێدا. ئەڤ بەرنامێن هەنێ د بنەرەتدا هەول ددەن حەزێن قوتابیێن بەکالوریوس و ماستەر و دکتورایێ بهێز بکەن د بیاڤێن تیۆرێن وەرگێرانێ و رێبازێن وەرگێرانێ و جۆرێن وەرگێرانێ و وەرگێرانا زارەکی دا. ئەڤ بەرنامێن هەنێ هەروەسان کۆرسێن زمانڤانیێ و ئەدەبێ ئینگلیزی یێ نوی د گەلدا دچەسپینن. بەرنامێ ناڤبری دیسان زمانێ قوتابییان ژی پێش دئێخن (چ زمانێ نەتەوەیی بیت یان یێ بیانی) ل گەل وەرارکرنا هزرکرنا رەخنەیی و شرۆڤەکرنا رەخنەیی و شیانێن ڤەکۆلینا ئەکادیمی.
2 ینینا پشکێ:
خەونا پشکا وەرگێرانێ دووپاتکرنا دەرچوونا وەرگێرێن خودان شیان و ب توانایە کو ئەڤ چەندە ژی دبیتە هۆیێ پێشکەفتنا رەوشەنبیری یا جڤاکی، و باشترلێکرنا پەیوەندیێن د ناڤبەرا کەلتۆراندا و دابینکرنا پێدڤیێن بازارێ کاری سەبارەت ئالاڤین گرێدایی ب کێشەیێن زمانێ بیانی.
3ئارمانجێن پشکێ
ل گەل ب دوماهیک هینانا کۆرسێن دیزاینکری، قوتابیێن دەرچوویی دێ شێن ئەڤ کارێن ل خواری ئەنجام بدەن:
- ئاڤاکرنا پڕەکێ د ناڤبەرا بووشایێن د ناڤبەرا کەلتۆرێن خۆ یێن نەتەوەیی و کەلتۆرێن بیانیدا.
- زالبوون ل سەر شیانێن ئەکادیمی یێن بنەرەت یێن پێدڤی ژبۆ ئەنجامدانا وەرگێرانا گەهاندنێ و یا واتاسازیێ و یا رۆژنامەڤانیێ و یا ئەدەبی و یا زانستی و یا بینایی و یا دویڤئێک و هتد.
- هی بوون ل سەر چەمک و تێگەهێن هەمەجۆر یێن گرێدایی ب ئاستێن شرۆڤەکرنا زمانڤانی و تا رادەکێ، زمانێ ئینگلیزی یێ سەردەمانە.
- پێشئێخستنا شیانێن وان یێن زمانی یێن نڤیسین و ئاخڤتنێ، زێدەباری شیان و تەکنیکێن وەرگێرانێ.
- ئەنجامدانا ڤەکۆلینێن کو دگەل پیڤەرێن ئەکادیمی دگونجن.
- شیانێن گەهشتنا ژێدەرێن پێزانینان یێن رەسەن و باوەرپێکری ژئالیێ ئەکادیمی ڤە د تایبەتمەندیێن جودا جوا دا.