کولیژا پەروەردا بنیات - ئامێدی رۆژا جیهانیا زمانێ دایکێ ساخکر
ئەڤرۆ ٢١ـی شوباتا ٢٠٢٣، کولیژا پەروەردا بنیات – ئامێدی، رۆژا جیهانیا زمانێ دایکێ ب پانێلەکێ زانستی ساخکر. ل دەستپێکێ، د. نیعمەتوللا حامد پەیڤا بخێرهاتنێ پێشکێشکر و تێدا راگەهاند "ل ڤی سەردەمێ جیهانیبوونێ و کاودانێن سیاسیێن دەڤەرێ، مەترسی ل سەر زمانێ کوردی هەنە و پێدڤیە ئەم بەردەوم کاربکەین بۆ نەهێلانا ڤان مەترسیان". ل دویڤ دا، سمینارەک ل دۆر "هێزا زمانێ کوردی بەرامبەر گەف و مەترسیان" ژ لایێ مامۆستا (پەیمان مووسا) ڤە هاتە پێشکێشکرن و پاشی مامۆستا (ئەحمەد یاسین) سمینارەک ل دۆر "گرفتێن هەبوونا زمانێ ستاندارد ل کوردستانێ هاتە پێشکێشکرن. ئەڤ پانێلە ژی ژ لایێ مامۆستا (فەرسەت تەیب) هاریکارێ راگرێ کولیژا ناڤبری ڤە هاتە برێڤەبرن. ل دویماهیێ، قوتابی و مێڤانێن ئامادەبووی دانوستاندن ل دۆر تەوەرێن جودایێن ڤان سمیناران دگەل پانێلیستان ئەنجامدان.