د بەردەوامی دا د ئارمانجا نیڤدەولەتیبوونێ یا زانکۆیا دهۆک، ل رۆژێن ٦-٧ی مەها شواتێ، زانکۆیا دهۆک وۆرکشۆپەکا تایبەت ئەنجامدا بۆ ١٢ ڤەکۆلەران بۆ گەهاندنا زانیاریێن پێدڤی بۆ چەوانیا بەڵاڤکرنا ڤەکۆلینێن خو ل گۆڤارێن نیڤدەولەتی.
ئەڤ وۆرکشۆپە ب سەرپەرشتیا د. ئۆرلی برۆكێرهوف و د. دیلان ئۆدرێسكۆل ژ زانكۆیا كۆڤینتری برێڤەچوو، یێن کو هەولداین زانیاریێن پێدڤی ئاراستەی ڤەکۆلەرێن پشکدار بکەن. جەخت ل سەر ژمارەکا لایەنان هاتە کرن وەکی چەوانیا دیتنا گۆڤارێن نیڤدەولەتی، چەوانیا ژێگرتنا گۆڤارەکا گونجای بۆ ڤەکۆلینەکێ، زێدەباری پرۆسەیا بەڵاڤکرنێ ل گۆڤارێن نیڤدەولەتی وگرنگترین ئالۆزیێن وێ. هەمی زانیاری و ریسایێن گرێدای ڤی بابەتی هاتنە گەنگەشەکرن بۆ پشکداران ب شێوەکێ سەرکەفتیانە، و بەڵاڤکرنا ڤەکۆلینان روونتر لێ هات بۆ وان ل دوماهیا وۆرکشۆپێ.
راگەهاندنا زانکۆیا دهۆک، ١١ ی شواتێ، ٢٠٢٤
فاطمة محمود
فۆتۆ: عەلی بانكی