پشتی سێ سالێن كاركرنێ ب رێكا تەكنیكا چاندنا شانێن رووەكی، كۆلیژا ئەندازیاریا چاندنێ ل زانكۆیا دھۆك بۆ ئێكەم جار شیا دوو توخمێن نوی یێن پتاتا دروستبكەت.
د. رافائێل شلێمون توما، ماموستایێ پشكا بيستانكاری ل كۆلیژا ئەندازیاریا چاندنێ ل زانكۆیا دھۆك، دیاركر كو پرۆسێسا دروستكرنا تۆخمێن نوی یێن پتاتا ل زانكۆیا دھۆك بۆ سالا ٢٠٢٠ ڤەدگەریت ل دەمێ تیمەكا ئەندازیارێن چاندنێ یێن زانكۆیا دھۆك ب ھەڤكاری ل گەل كۆمپانیا كەرتوپ یا چاندنێ ل پارێزگەھا دھۆكێ و ھندەك شارەزایێن ھولەندی ئەڤ كارە ئەنجامدای و شیاین ب رێكا وەزارەتا چاندن و ژێدەرێن ئاڤێ یا ھەرێما كوردستانێ ل وەزارەتا چاندنا عیراقێ وەك دوو جۆرێن نوی یێن پشتبەستنكری بھێتە توماربكەن.
ھەژی ئاماژەدانێ یە، ئەڤ دوو جۆرێن پتاتا دێ كەڤنە د خزمەتا جوتیارێن ھەرێما كوردستانێ و ل شوینا پشتبەستن ل سەر جۆرێن بیانی بھێتە كرن دێ دشیاندابیت پشتبەستن ل سەر جۆرێن بەرھەمێ خۆمالی ھێتە كرن. زانكۆیا دھۆك شانازیێ دبەت، ستافێ وێ یێ ئەكادیمی ب زانست و زانین و ڤەكۆلینێن خۆ بشێن خزمەتا دەڤەر و وەلاتێ خۆ د بوارێن جودا دا بكەن.
بۆ دیتنا ڤیدیۆیا تایبەت ل دۆر ڤێ دەستکەڤتێ، سەرەدانا لینکێ ل خۆارێ بکە:
راگەھاندنا زانكۆیا دھۆك؛ ٥ـی كانوینا ئێكێ ٢٠٢٣
نڤێسین: حسێن تتمی
وەرگێران: مێڤان محەمەد صالح