سەرۆكاتیا زانكۆیا دهۆك گشتاندنەك لدۆر رێكار و رێنمایێن گرێدای بابەتێ ڤایرۆسێ كۆرۆنایێ بەلاڤكریە، تێدا بریار هاتیە دان پشتی (20/1/2022) رێ ب هیچ كەسەكی ناهێتە دان سەرەدانا دەزگەهێن سەر ب زانكۆیا دهۆك ڤە بكەن، ئەگەر كارتا ڤاكسینی یان تێستا كۆرۆنایێ یا (48) دەمژمێری نەبیت.
هەروەسا ئەو ژی هاتیە دیاركرن كو ماوێ وەرگرتنا ڤاكسینی ژلایێ گشت فەرمانبەرێن حكوومەتێ ڤە هەتا رێكەڤتی (20/1/2022) هاتە درێژكرن، و ئەو مامۆستا و فەرمانبەر و قوتابیێن هەتا وێ رێكەڤتێ ڤاكسین نەوەرگرتبن، پێدڤیە تێستا كۆرۆنایێ یا (48) دەمژمێری هەبیت، و ئەو كەسێن كێشەیێن ساخلەمیێ هەین، پێدڤیە راپۆرتا پزیشكی هەبیت و بهێتە پێشكێشكرن بۆ لژنا تایبەت ب كۆرۆنایێ ل سەرۆكاتیا زانكۆیێ بۆ پەسەندكرنێ.
زانكۆیا دهۆك دیار ژی كریە كو هەر مامۆستا و فەرمانبەرەكێ هەتا 20ی ڤێ مەهێ ڤاكسین وەرنەگرتی، دێ ل گۆرەی یاسایا گشتی یا تەندروستیێ سەرەدەری دگەل هێتە كرن.