دكتۆر ئازاد نەجار داهێنەرێ دلێ دەست كرد ل رۆژا 14/2/2021 سەرەدانا زانكۆیا دهۆك كر و ل سەنتەرێ رەوشەنبیری و جڤاكی ژ لایێ سەرۆكێ زانكۆیێ پ. د. مصلح دهۆكی پێشوازی لێ هاتە كرن.
د كۆمبوونەكی دا ب ئامادەبوونا هاریكارێن سەرۆكێ زانكۆیێ و راگرێن كۆلیژێن كۆما پزیشكی، سەرۆكێ زانكۆیا دهۆك بەحسێ چاوانیا پێشخستنا ئاستێ زانستی و ڤەكۆلینان و رەوشا زانكۆیا دهۆك ژ لایێ خاندنێ ڤە كر، و گۆت هاریكاریا دكتۆر ئازاد نەجاری پشتەڤانیەكا هەرە مەزنە بۆ ئاستێ زانستی و پێشخستنا ئاستێ خاندنا نوژداری ل زانكۆیێ.
دكتۆر ئازاد نەجار دیاركر كو زانكۆیا دهۆك پێنگاڤێن هەرە باش هاڤێتینە ل دۆر پێشخستنا ئاستێ زانستی، هەروەسا بەحسێ چاوانیا بدەستڤەئینانا شیان و سەربۆرێن زانستێ یێن ئوروپی و ئەمریكیان كر و گۆت ژی ب هەمی شیانێن خۆڤە دێ هاریكاربم دگەل زانكۆیا دهۆك.
ل دوماهیێ ژی سەرۆكێ زانكۆیا دهۆك خەلاتێ رێزلێنانێ پێشكێشی دكتۆری كر و سوپاسیا ئەوی شاندێ دگەل دا كر، بریارە ژی ل رۆژا چارشەمبی 17/2/2021 ب شێوێ ئونلاین سمینارەكی پێشكێشی قوتابیێن زانكۆیا دهۆك بكەت.