زانكۆیا دھۆك ئاگەھداریا مامۆستا و ڤەكۆلەران دكەت كۆ دێ پشكداریێ د كۆنفرانسێ سیێ یێ سەنتەرێ كەلتووریێ سامەرا كەت یێ ل ژێر ناڤونیشانێ "مەزارگەھێ عەسكەری یێ پیرۆز ل سامەرا: لاندنا ھزر و كەلتووری" و ل ژێر چاڤدێریا مەزارگەھێ عەسكەری یێ پیرۆز و ب ھەڤكاری ل گەل زانكۆیا كۆفە – كۆلیژا فیقھێ و 24 زانكۆیێن عیراقی ژ وان زانكۆیا سەلاحەدین و زانكۆیا سلێمانیێ، ل 16ی چریا دووێ 2023.
ئارمانجا كۆنفرانسی دانەنیاسینا مەزارگەھێ ھەردوو ئیمامێن عەسكەری یە (سلاڤ ل سەر بن) و پێگەھێ وان یێ ئایینی و مێژوویی، دیسان دیاركرنا بھایێ شارستانی و مێژوویی یێ ئاڤاھیێ مەزارگەھێ عەسكەری، و بەرچاڤكرنا شوینوارێن مێژوویی و شارستانی ل باژێرێ سامەرا، و بەرچاڤكرنا كاریگەریا پەروەردەیی یا مەزارگەھێ عەسكەریێ پیرۆز بۆ تاك و جڤاكی، زێدەباری جەختكرن ل سەر كەلتوورێ زانستی و زانینێ یێ دەستنڤیس و چاپكریێن دەربارەی باژێرێ سامەرا یێ پیرۆز.
گرنگترین تەوەرێن كۆنفرانسی دێ ئەڤێن ل خوارێ بن:
- ڤەكۆلینێن ل دۆر قورئانا پیرۆز و باوەریێ و فەرموودەیێن پێغەمبەری "سلاڤێن خۆدێ ل سەر بن" و یێن ئەدەبی و زمانی.
- ڤەكۆلینێن ل دۆر ئیمامێن سامەرا و ئافرەتێن مالا پێغەمبەری "سلاڤێن خۆدێ ل سەر بن" ل سامەرا پیرۆز.
- ڤەكۆلینێن جوگرافی و مێژوویی و ئابووری و جڤاكی.
- ڤەكۆلینێن ئەندازیاری و تەلارسازی.
- ڤەكۆلین دەربارەی مولکێ زانستی ل سامەرا پیرۆز.
- ڤەكۆلینێن كەلتوورێ نڤێسی و بەلگەنامەیی.
- ڤەكۆلینێن ژیاننامە و كەسایەتیێن مێژوویی.
- ڤەكۆلینێن شینوار و كەلتوور و گەشتیاری.
- ڤەكۆلینێن بەرھەمێن زانستی ل سامەرا پیرۆز.
- ڤەكۆلینێن رۆژھەلاتناسی.
- ڤەكۆلینێن یاسایی و سیاسی و راگەھاندنێ.
مەرجێن پشكداریێ:
ئەو مامۆستا و ڤەكۆلەرێن حەزا پێشكێشكرنا ڤەكۆلینێن خۆ و پشكداریێ د كۆنفرانسیدا ھەی پێدڤی ب ھەبوونا ئەڤان مەرجێن ل خوارێ ھەیە:
- ڤەكۆلینێن پشكدار بەروەخت د بەلاڤكری نەبن یان پشكداری چ كۆنفرانسێن دی نەبن، هەروەسا پێدڤیە بابەتێ ڤەكۆلینێ گرێدای تەوەرێن كۆنفرانسی بیت.
- ڤەكۆلینێن پشكدار د كۆنفرانسیدا دێ ژلایێ زانستیڤە ھێنە ھەلسەنگاندن و تێستا رێژا پلاجیریزمێ ب بەرنامێ (Turnitin) بۆ ھێتە كرن.
- پێدڤیە ڤەكۆلین ل دویڤ رێنمایێن زانستی یێن بەربەلاڤ د كۆنفرانسێن زانستی دا بن.
- ڤەكۆلین و پۆختێن وان و ژیانناما زانستی یا ڤەكۆلەری دێ ل سەر كاغەزا قەبارێ (A4) ل گەل (CD)، یان ب شێوێ ئەلیكترونی دێ ھێنە ڤرێكرن.
- نابیت ھژمار لاپەرێن ڤەكۆلینێ ژ (20) لاپەرا كێمتر بیت.
- دویماھی ژڤان بۆ ھنارتنا پۆختێن ڤەكۆلینا 15ی ئەیلولا 2023 یە.
- دویماھی ژڤان بۆ ھنارتنا ڤەكۆلینا ب تمامی 15ی چریا ئێكێ 2023 یە.
كۆنفرانس دێ ل 16ی چریا دووێ 2023 ھێتە ئەنجامدان، و دێ دەستپێكرنا كۆنفرانسی ل مەزارگەھێ عەسكەری یێ پیرۆز ل سامەرا ھێتە ئەنجامدان و چالاكیێن دی یێن كۆنفرانسی دێ ل زانكۆیا كۆفە ل كۆلیژا فیقھێ ھێنە ئەنجامدان.
تێبینی: خەلاتەكێ ژ ھەژی "كوژمەكێ پارەی" بۆ باشترین ڤەكۆلینێن پشكدار د كۆنفرانسی دا دێ ھێتە پێشكێشكرن كو ل دویڤ پلا ڤەكۆلینێ د ھەلسەنگاندنا زانستیدا دێ ھێتە دەستنیشانكرن.
پشكداری دێ ل دویڤ ئەڤان ناڤونیشانێن ل خوارێ ھێنە ڤرێكرن:
عیراق/ نەجەف/ جادا المدینه/ سەنتەرێ كەلتووریێ سامەرا
عیراق/ نەجەف/ زانكۆیا كۆفە/ كولیژا فیقھێ
یان بۆ ئیمێلێ: samarra.heritage@gmail.com
009647819570282
009647818804441
بۆ پتر پێزانینان، لینكێ ل خوارێ كلیك بكە: