كۆلیژا پزیشكی ل زانكۆیا دھۆك ب ھەڤكاری ل گەل كۆمەلا BioActive/ESB دەستكەڤتەكێ گرنگ د بوارێ فێركرنا پزیشكی و لێكگوھۆرینا زانینێ ب دەستڤەئینا، ئەوژی ل گەل ب دویماھی ھاتنا سمپۆزیۆما "كۆئەندامێ ماسولكەیی – پەیكەری یا دووێ ل دھۆكێ" ب سەركەڤتیانە. ب ئامادەبوونا ھندەك شارەزا و بسپۆرا بۆ ڤەدیتنا دویماھی پێشھاتا د بوارێ پزیشكیا كۆئەندامێ ماسولكەیی – پەیكەری دا.
سمپۆزیۆم ژ دوو روینشتنا پێكھاتبوو، د ھەردوو روینشتنا دا ھەشت مەزنە شارەزایێن پزیشكی باس ل بابەتێن گرنگ د بوارێن گرێدای سمپۆزیۆمێ كرن. ژ وان بابەتێ شرۆڤەكرنا ڤەكۆلینێن ڤەگوھاستنا دەماری NCS و شرۆڤەكرنا نیشانێن ئازارا پاتێلۆفیمۆڕاڵ و گەنگەشەكرنا شكەستنێن پێتیبوونا ھەستیان و پێشكێشكرنا ڤەكۆلینێن ئالۆز ل دۆر تێكچوونا خوینبەرا، پشكدارا شیان تێگەھشتنەكا كویر بۆ ئاستەنگ و پێشھاتێن د بوارێن دەمارا و نەشتەگەریا ھەستیان وەربگرن.
پشتی ھەر روینشتنەكێ دانوستاندنێن بەرھەمدار ھاتنە ئەنجامدان، شارەزایێن بوارێ پزیشكی ب رژدی پشكداری د گەنگەشا دا كر، ئەڤ چەندە بۆ ئەگەر كەش و ھەوایێ ھەڤكاری و پشكداریكرنا زانینێ پەیدا ببیت، دیسان ئەڤ لێكگوھۆرینا كارا یا ھزر و شارەزایێن گرنگیەكا زۆر ھەبوو د پەرەپێدانا تێگەھشتنا ئاریشێن پزیشكی یێن ئالۆز یێن د سمپۆزیۆمێ دا ھاتینە گەنگەشەكرن.
زێدەباری ڤێ چەندێ، سمپۆزیۆما "كۆئەندامێ ماسولكەیی – پەیكەری یا دووێ ل دھۆكێ" گرنگیەكا زۆر بدەستڤەئینا وەك سەكویەكا فێربوونا بەردەوام و پێشئێخستنا پیشەیا پزیشكی، كو سێ خالێن فێركرنا پزیشكی یا بەردەوام CME یان خالێن پەرەپێدانا ئەكادیمی یا پشتبەستنكری CAD ب پشكداربوویا ھاتنە دان، ئەڤ چەندەژی گرنگیا وێ یا زۆر د بوارێ فێربوونا بەردەوام و پێشئێخستنا پیشەیا پزیشكی دا د سەلمینیت.
ئەڤ سمپۆزیۆما سەركەڤتی نە ب تنێ پێگیریا زانكۆیا دھۆك ب پێشڤەبرنا فێركرنا پزیشكی نیشاندا، بەلكو پێگیریا زانكۆیا دھۆك دیاركر ب پەرەپێدانا ھەڤكاریێ و پشكداریكرنا زانینێ دناڤبەرا شارەزایێن چاڤدێریا ساخلەمیێ، كو پزیشكیا دەماری و نەشتەگەریا ھەستیا دێ بەردەوام د پێشڤەچوونێ دا بیت، و ئەڤ جۆرە چالاكیە رۆلەكێ گرنگ دگێرن د دووپاتكرنا ئەوێ چەندێ كو شارەزایێن پزیشكی بەردەوام لێگەریانا دویماھی پێشڤەچوون دكەن، د ئەنجامدا مفایەكێ زۆر بۆ چاڤدێریكرنا نەخۆشا و پێشكەڤتنا پزیشكی دا ھەیە.
راگەھاندنا زانكۆیا دھۆك؛ 16ـی ئەیلولێ 2023
راپۆرت: فاطمة محمود
وەرگێران: ماھر كێستەیی
فۆتۆ: محەمەد عەبدولكەریم