وەزارەتی خوێندنی باڵا و توێژینەوەی زانستی لە چوارچێوەی ڕێنماییەکاندا پۆستی سەرۆکی (٦) زانکۆ و سەرۆکی ئەنجومەنی باڵای کوردستان بۆ پسپۆڕییە پزیشکییەکان ڕادەگەێنێت، هەر کەسێک ئارەزوی هەیە و مەرجەکانی تێدایە دەتوانێت لە ماوەی دیاریکراودا (C.V) و داواکارییەکەی پێشکەش بکات، تا ناوی لە لیستی پێشکەشکاراندا تۆمار بکرێت .

پۆستەکان:

１-  سەرۆکی زانکۆی سەڵاحەددین – هەولێر

２-  سەرۆکی زانکۆی سۆران

３-  سەرۆکی زانکۆی هەولێری پزیشکی

４-  سەرۆکی زانکۆی دهۆک

５-  سەرۆکی زانکۆی پۆلیتەکنیکی دهۆک

６-  سەرۆکی زانکۆی زاخۆ

７- سەرۆکی ئەنجومەنی باڵای کوردستان بۆ پسپۆڕییە پزیشکیەکان.

مەرجەکان بۆ پۆستی سەرۆکی زانکۆ:

１- هەڵگری بڕوانامەی دکتۆرا بێت .

２- نازناوی زانستی لە پرۆفیسۆری یاریدەدەر کەمتر نەبێت.

３- خزمەتی زانکۆیی لە (10) ساڵ کەمتر نەبێت.

بۆ پۆستی سەرۆکی ئەنجومەنی باڵای کوردستان بۆ پسپۆڕییە پزیشکییەکان:

１- هەڵگری بڕوانامەی بۆرد یان دکتۆرا یان هاوتاکەی بێت لەیەکێک لە بوارە پسپۆڕیە پزیشکییەکان.

２-نازناوی زانستی لە پرۆفیسۆر کەمتر نەبێت.         

تێبینیەکان:

ئەو بەڕێزەی کە داواکاری پێشکەش دەکات باشترە دیدو بۆچون و بەرنامەی کاری خۆی پێشکەش بکات بۆ بەرەو پێش بردنی زانکۆکەی بۆ ئەو چوار ساڵەی کە پۆستەکەی بەردەوام دەبێت،  زانینی زمانی ئینگلیزی و شارەزایی لەبەکارهێنانی تەکنۆلۆجیای بواری خوێندن و فێرکردن کارایی بڵاوکردنەوەی توێژینەوەی زانستی هەلی زیاتر بۆ پێشکەشکار دەڕەخسێنیت.

• دواین کات بۆ پێشکەشکردنی (C.V) و پوختەی ڕاژە کۆتایی دەوامی ڕێکەوتی (١٦/٣/٢٠٢١) ڕۆژی (سێشەمە) دەبێت.
• پێویستە پوختەی ڕاژەی لەلایەن بەرپرسی یەکەمی فەرمانگەکەیەوە واژوو کرابێت.
• هەر بەڕێزێک ئارەزوی هەیەو مەرجەکانی پێشکەشکردنی هەیە، دەتوانی (C.V) و پوختەی ڕاژەی ڕاستەوخۆ بۆ بەڕێوەبەرایەتی بەدواداچوونی پۆستەکان لە دیوانی وەزارەت لە ڕێگەی ئەم ئیمیلە (jobs@mhe-krg.org) بنێرێت.