ل سەنتەرێ رەوشەنبیری و جڤاكی یێ زانكۆیا دهۆك ئەڤرۆ 29/5/2016 ب ئامادەبوونا رێڤەبەرێ كارگێری و خویەتی یێ زانكۆیا دهۆك د. جەمال عەلی و رێڤەبەرێن كارگێری یێن هەمی كۆلیژێن زانكۆیا دهۆك كومبوونەك هاتە گێران بۆ دەسپێكرنا ئەلكترونی كرنا سیستەمێ كارگێری ل زانكۆیا دهۆك كو هەر ژ ئەڤرۆ دێ كەڤیتە كاری.
د پەیڤەكی دا د. جەمال عەلی دیاركر كو ئەڤە قوناغا ئێكێ یە و ل قوناغا دوێ دێ سیستەمێ مووچان و هنارتنا لیستێن مووچان ژی بیتە ئەلكترونی چونكو لیستێن مووچان یێن رێڤەبەریا ژمێریاری و یا میلاكاتا جوداهیا هەی ژ بەر وان كەسان ئەوێن مولەت وەرگرتین.
ژ لایێ خوڤە د. دلشاد دیاركر كو رێزبەندیا نەتەوەی یا زانكۆیان ژ لایێ وەزارەتا خواندنا بلند ڤە هاتیە راگەهاندن ودڤێ رێزبەندیێ دا فەرمانبەر ژی هاتیە پشكەك ژ زانكۆیێ هاتیە دیاركرن كو نە ب تنێ زانكۆ مامۆستانە، گۆت ژی ب رێكا ڤی سیستەمی دێ هەمی كۆلیژە ب زانكۆیێ ڤە هێنە گرێدان و هەر كۆلیژەكی دێ ئەكاونتەك هەبیت بو پەیوەندی كرنێ ل گەل زانكۆیێ.