ل رۆژێن ١٠ تا ١٥ـی خزیرانێ ٢٠٢٣، رێڤەبەرا سەنتەرێ ڤەكۆلینێن جەندەرناسی ل زانكۆیا دھۆك، دلین سەردار نۆری پشكداریەكا چالاك د وۆركشۆپەكێ ناڤدەولەتی دا ب ناڤونیشانێ "پەرەپێدانا دانوستاندنێ و پشكداریكرن د كەرتێ لێكگوھۆرینا تورا ئەلمانی – عیراقی دا" كر، وۆركشۆپ وەك پشكەك ژ بەرنامێ ھەڤكاریێ و لێكگوھارتنا ھەڤپشك ل وەلاتێ ئەلمانیا ھاتە ئەنجامدان، كو ژ لایێ زانكۆیا جوستوس لایبج و زانكۆیا دھۆك و زانكۆیا مووسل ڤە ھاتبوو رێكخستن. ئارمانجا وۆركشۆپی ئاسانكاریا لێكگوھۆرین و ھەڤكاریا بەرھەمدار بوو د ناڤبەرا سازیێن پشكدار دا.

د وۆركشۆپی دا، مامۆستا دلین سەردار زوھدی بابەتەك ب ناڤونیشانێ "رۆلێ ژنێ د ئاڤاكرنا ئاشتیێ دا" پێشكێشكر و باس ل كێشەیێن ئێكلاكەرێن گرێدای پشكداریا ژنێ د جڤاكا دا پشتی ھەڤركیا كر، دیسا رۆلێ ژنێ یێ سەرەكی د پەرەپێدانا ئاشتیێ و سەقامگیریێ دا دیاركر.

ئەڤ خڕڤەبوونا ناڤدەولەتی، سەكۆیەكا گرنگ و ب بوھا بۆ ھەڤكاریا ئەكادیمی و لێكگوھارتنێ د ناڤبەرا كەلتۆرێن جودا دابینكر، پابەندبوونا زانكۆیا دھۆك دوپاتكرنە بۆ پێشئێخستنا دانوستاندنێ و پشكداریكرنا پێزانینا ل سەر ئاستێ جیھانی.

راگەھاندنا زانكۆیا دھۆك؛ ٢٤ـی ئیلۆنێ ٢٠٢٣

وەرگێران: ماهر کێستەیی