ل سالرۆژا جیهانیا نەهێلانا تۆندۆتیژیێ دژی ژنان، سەنتەرێ ڤەکۆلینێن یەکسانیا جێندەری ل زانکۆیا دهۆک پرۆگرامەكێ گشتگیر كۆ بۆ ماوێ ٦ رۆژا بەردەوام بوو، ب ھەڤكاری ل گەل كۆژیێ ئەمریكی ل زانكۆیا دھۆك ب دویماھی ئینا. پرۆگرامێ ناڤبری ژ ١٢ تا ٢٧ـی چریا دووێ ٢٠٢٣ بەردەوام بوو، برگێن پرۆگرامی پێكھاتبوون ژ "پەیوەندیكرنا كارا دناڤبەرا ھەردوو رەگەزادا، بریارا نەتەوەیێن ئێكگرتی ١٣٢٥، ئارمانجا ژمارە ٥ ژ ئارمانجێن گەشەپێدانا بەردەوام، پشكداریا كارا یا ژنێ د سەركردایەتیكرنێ و دانوستاندنا و گەشەپێدانا ئابووریدا".
ب درێژاھیا پرۆگرامی، پانێلەك ژ لایێ مامۆستایێن پشكا ئاشتی و مافێ مرۆڤی ل كۆلیژا زانستێن مرۆڤایەتی و كەسانێن ئەكادیمی ژ كوژیێ ئەمریكی ھاتە ئەنجامدان، د پانێلی دا گەنگەشە ل دۆر بابەتێن گرێدای پرۆژێ دادپەروەری و گەشەپێدانا بەردەوام ھاتنە ئەنجامدان.
ھەژی ئاماژەدانێ یە، زانكۆیا دھۆك ب ئەنجامدانا ڤان چالاكیان ھەولا زێدەكرنا پێگەھشتنا مامۆستا و قوتابیێن خۆیە د بابەت و كێشە و ستراتیجییەتێن گرێدای ھەردوو رەگەزا و گرنگیپێدان ب شیاندانا ژنێ و جەختكرن ل سەر پێگیریا زانكۆیا دھۆك ب پەرەپێدانا یەكسانیا جێندەری.
راگەهاندنا زانكۆیا دهۆك، 27ی چریا دووێ، 2023
وەرگێران :- مێڤان محمد صالح
فۆتۆ: محمد عبدالكريم