نوینەرێن ماموستایێن كۆلیژێن سەر ب زانكۆیا دهۆك ڤە یاداشنامەك ئیمزا كر بو چارەسەركرنا ئاریشێن ماموستایێن زانكۆیێ وئەڤە دەقێ وی یە:
بو زور بەرێز / سەروكاتیا ئەنجومەنێ وەزیران
ب رێكا وەزیرێ خاندنا بلند وڤەكولینێن زانستی زور بەرێز
ب رێكا سەروكێ زانكویا دهوك زور بەرێز
بابەت / یاداشتنامە
ئەم نوینەرێن كولیژێن سەر ب زانكویا دهوك ڤە سوباسیا سەروك بارزانی دكەین كو هاتیە سەر خەت بو چارەسەركرنا ئارێشێت ماموستایان وئەم ب هیڤینە كو ل وەختەكێ نیزیك دێ رێ چارەیەك هێتە دیتن بو ئارێشا موچێن ماموستایان, وبو ڤێ مەرەمێ ئەم بۆ چارەسەركرنا سیستەمێ پاشكەوتێ موچەی داكوكیێ ل سەر پروژێ وەزارەتا خاندنا بلند و ڤەكولینێت زانستی دكەین ئەوا ل رێكەفتی 22\2\2016 بۆ هەوەیێن هێژا هاتیە رەوانەكرن لە ورا ئەم چاڤەرێ بووین كو حكومەتا هەرێمێ ئەڤ پروژە ب گرنگی وەرگرتبا و پێنكاڤێن پێتڤی بۆ جێبەجێ كرنا ڤی پروژەی هاڤێتبان , لەورا ئەم هەر جارەكادی داكوكیێ دكەین كو ئەڤ پروژە ب تەمامی بهێتە جێبەجیكرن , ودگەل هندێ ئەم وەك نوینەرێن كولێژێن زانكویا دهوك دیسان پالپشتیێ ل هەر هەولەكێ دكەین بو جێبەجیكرنا داخازیێن ماموستایان, ژبەر ڤێ چەندێ ئەم ب باش دزانین هەتا دەستبێكرنا سالا خاندنێ یا نوی پێداجوونەكا بلەز ب پاشكەوتێ موچێ ماموستایان بهێتەكرن و ئەگەر نەهێتە ئەنجامدان ئەستەمە پروسێسا خاندنێ بشێوەكێ رێك و پێك برێڤە بچیت ل زانكویا دهوك ژبەر كو باروودوخێ ماموستایێ زانكۆیێ زور یێ خرابە ودێ كارتێكرنێ لسەر شیانێت وی یێن زانستی وبێكەهێ وی جفاكی كەت ودێ بیتە ئەگەرێ چولكرنا زانكوێن حكومی ژ ماموستاێن خودان شیان بو زانكوێت ئەهلی و كەرتێ تایبەت ودەرڤەی وەلاتی ......تادوماهیك. دكەل رێزگرتنێ..........
بژیت كورد بژیت كوردستان بژیت پێشمەرگە
نوینەرێن كولیژێن زانكویا دهوك