زانكۆیا دهۆك ب سەرپەرشتیا سەرۆكێ زانكۆیێ پرۆفیسۆر د. موسلح دهۆكی و هاریكارێن سەرۆكێ زانكۆیێ و ب پشكداریا راگر و مامۆستا و فەرمانبەر و قوتابیێن زانكۆیا دهۆك ئەڤرۆ چارێ نیسانێ پشكداری د هەوا پاقژكرنا پارێزگەها دهۆكێ دا كر.
بۆ ڤێ هەوا پاقژكرنێ هژمارەكا تیمان هاتنە پێكئینان هەر تیمەكێ جهەك بۆ هاتە دەست نیشان كرن، تیمەكی سەرۆكاتیا زانكۆیا دهۆك و جادا بەرامبەر سەرۆكاتیێ پاقژ كرن، چەند تیمان ژی كەمپێ زانكۆیێ یێ مالتایێ پاقژ كرن كو هەمی كۆلیژێن ڤێ كەمپی و جادێن بەرامبەر بخۆ ڤە دگرتن، هەروەسا دوو تیم ل كەمپێ سێمێلی یێ كۆلیژا چاندنێ هاتنە پێكئینان كو جادا سەرەكی یا دهۆك زاخۆ و ناڤا كۆلیژێ و ل هەر پشكەكێ مامۆستا و فەرمانبەرێن وان دەردورێن پشكا خۆ پاقژ كرن، ل دووماهیێ بەرمایكەكێ زۆر یێ گلێشی هاتە خرڤە كرن و ب ترۆمبیلێن كۆلیژان هاتە ڤەگوهاستن بۆ جهێ تایبەت یێ بەرمایكان.
د هێتە زانین كۆلیژێن زانكۆیا دهۆك هەر ماوە ماوە ب هەوێن پاقژكرنێ رادبن و كۆلیژێن خۆ پاقژ دكەن.