راگەهاندنا زانكۆیێ: هەلز عەلی سەلیم
ناریمان عەبدولحەكیم رێڤەبەرا بانكا زانكۆ گۆت: ل سالا 2013 ێ، بەنكا زانكۆ هاتیە دامەزراندن و كەفتیە دخزمەتا مامۆستا و فەرمانبەرێن زانكۆیێ دا، ل سالا 2014ێ ب فەرمی هاتیە دناڤا باژێرێ زانكۆیێ دا و ب 32 فەرمانبەرێن فەرمی سەر ب حكومەتێ و چەند فەرمانبەر گرێبەست كار دكەت، دیسان بانك ب پێنچ پشكا پێك دهێت (كارگیری و خویەتی، ژمیریاری، داهاتی، دەرچوویی و حەوالات)
ئەڤە بانكە بتنێ بۆ مامۆستا و فەرمانبەرێن زانكۆیێ یە وەكی رێڤەبەرا بانكێ گۆتی: چونكە ئەم د ناڤا باژێرێ زانكۆیێ داینە، ئەم نەشیێن سەرەدەریێ دگەل خەلكێ دەرڤەیی زانكۆیێ بكەین.
مە چەندین پرۆژە بۆ پێشكەفتنا بانكا زانكۆ هەنە وەكی ناریمان خانێ گۆتی: لێ ژ بەر قەیرانا دارایی نەشێن وان پرۆژا بجه بینن و ژ هەمان گرنكتر ئەم یێ هەولدەین ئەڤ رێكا كلاسیكا بگهورین بۆ رێكا ئامیرێن پێشكەفتی، دا مامۆستا و فەرمانبەر بزووترین دەم و ب ساناهیترین رێك مووچەیێن خوە وەربگرن.
ئاریشا هەرە مەزن مە هەیی، تا نوكە ئەم نزانین ژلایەنی ئیداری ڤە سەر ب وەزارەتا خواندنا بلندین یان سەر ب وەزارەتا دارایی نە وەكی رێڤەبەرا بانكێ گۆتی: مە گەلەك جارا هەولا جارەكرنا ڤێ ئاریشێ كریە، لێ بێ مفا بوو.