زانكویا دهوك كو ئەندامە د پرۆگرمێن ئێكەتیا ئورۆپی دا ژ سالا 2007 تا نوكە و نوكە د پێنج بەرنامان دا یا پشكدارە، ئێك ژ وان بەرنامێ (Rescue) یە بۆ پشتەڤانیا خواندنێ بو قوتابیێن پەنابەر د وەلاتێن رۆژهەلاتا ناڤین (هەرێما كوردستانێ، لوبنان، ئوردن) و بریارە ئوفیسەكا ڤێ پرۆگرامی ل ڤێ هەیڤێ ل زانكۆیا دهۆك بكەڤیتە كاری.
ب رێكا ڤی بەرنامەی دێ یەكەیەك هێتە ڤەكرن بناڤێ R-SOS (Refugee Student Operational) یەكا پشتەڤانیا قوتابیێن پەنابەر و هاریكاریا د كاری دا بو قوتابیێن پەنابەر، د ڤی پرۆگرامی دا چەندین زانكۆیێن ئورۆپی و عەرەبی د پشكدارن ژ وان زانكۆیا ساپێنزا ژ ئیتالیا و زانكۆیا بەرشەلۆنا ژ ئسپانیا و زانكۆیا تەكنیكی ل بەرلین ئەلمانیا و سێ زانكۆ ژ وەلاتێ ئوردن و سێ زانكۆ ژ لوبنان دگەل زانكۆیا دهۆك و زانكۆیا پۆلیتەكنیكا دهۆك.
ڤی بەرنامەی ژ سالا 2016 دەست پێ كریە و تا سالا 2019 دی یێ بەردەوام بیت لێ یەكاR-SOS ، دێ یا بەردەوام بیت د كارێ خۆ دا و دێ هێتە ب رێڤە برن ژ لایێ رێڤەبەریا پەیوەندیان ڤە ل زانكۆیا دهۆك، كو هندەك فەرمانبەرێن ئۆفیسا پەیوەندیان دێ هێنە راهێنان داكو ل ڤێ یەكەیێ كار بكەن و پێزانینێن پێدڤی پێشكێشی قوتابیێن پەنابەر بكەن.
ئارمانج ژ ڤەكرنا ڤێ یەكەیێ دێ رێنیشاندەر بیت بۆ قوتابیێن پەنابەر بۆ برێڤەبرنا كاروبارێن خۆ یێن دەستپێكی و دیتنا دەلیڤێن كاری و دەلیڤێن خاندنێ.