ل رۆژا 24/4/2018 د رێورەسمەكی دا نڤیسینگەها جڤاتا نێڤدەولەتی یا زانكۆیان ل سەنتەرێ كۆنفرانسان ل زانكۆیا دهۆك هاتە ڤەكرن.
د رێورەسمێن ڤەكرنێ دا سەرۆكێ زانكۆیا دهۆك پرۆفیسۆر د. مصلح دهۆكی و سەرۆكێ جڤاتا نێڤدەولەتی یا زانكۆیانIUC د. ئورهان حكمەت بەرهەڤ ببون، كو ئارمانج ژ ڤەكرنا ڤێ نڤیسینگەهێ چێكرنا پرەكی یە دناڤبەرا زانكۆیێ و رێكخراوێن نێڤدەولەتی ل وەلاتێن ئاسیا و ئەفریقیا و چەند وەلاتێن دیتر ب رێكا IUC هەروەسا گرنگیدان ب سازیێن ئەكادیمی، زانستی، ئابووری و تەكنیكی، ل سەر ئاستێ ناڤخۆیی ژی پێشكێش كرنا خزمەتگوزاریان بۆ ئەندامێن زانكۆ و دەزگایێن خواندنا بلند و گەشەپێدانا هەمی بوارێن زانستی ل دەڤەرێ.