ل رۆژا 15/8/2016 ل هولا خانی ل سەرۆكاتیا زانكۆیا دهۆك چلیا ماتەمینی یا مامۆستا جەمیل ئیبراهیم عیسا مامۆستایێ زانكۆیا دهۆك هاتە گێران.
د رێورەسمان دا كورتە فلمەكێ دكیومێنتاری ل دۆر ژیانا خودێ ژێ رازی جەمیل ئیبراهیم عیسا هاتە نیشادان كو تێدا بەحسێ قوناغێن ژیانا وی هاتبو كرن و هەر وەسا هەڤال و مالباتا وی سەربورێن خو ل گەل رەحمەتی تێدا ڤەگێرا بوون.
هەروەسا د. ئالان جەمیل كورێ رەحمەتی مامۆستا جەمیل ئیبراهیم د پەیڤەكی دا بەحسێ هندەك ژ سەربور و ژیارا بابێ خۆ كر و تێدا دیاركر كو كەسەكێ خەمخۆرێ كارێ خوبوو و هەتا دووماهی رۆژێن ژیانا خۆ ژی بەردەوام د خزمەتێ دابوو، هەروەسا راگرێ كۆلیژا چاندنێ د. كەمال نەعمان دپەیڤەكی دا دیاركر كو وەغەركرنا مامۆستا جەمیل زیانەكا مەزن بوو بۆ كۆلیژا چاندنێ و زانكۆیا دهۆك.