سەنتەرێ ڤەكۆلینێن سازی ل زانكۆیا دهۆك ل رۆژا 14/10/2019 سمینارەك بۆ د. شێرزاد تەحسین ل سەنتەرێ رەوشەنبیری و جڤاكی یێ زانكۆیا دهۆك رێكخست.
د. شێرزاد تەحسین كو مامۆستایە ل كۆلیژا ئەندازیاری ل پشكا میكانیكێ د سمینارا خۆدا بەحسێ چاوانیا پاقژ راگرتنا ژینگەهێ كر كو كارتێكرن ل سەر وەلاتیان كێم ببیت و مفای ژ وێ ووزێ وەربگرن یا ژێ پەیدا دبیت، ل دۆر ژینگەها دهۆكێ ژی گۆت دانانا كارگەهان نە ب رەنگەكێ زانستی یێ درست دهێنە دانان و ئەو سوتەمەنیا ژ ئەنجامێ كاركرنا ڤان كارگەهان دهێتە سوتن رێژەكا رساسی دناڤ دا دهێتە سوتن كو كارتێكرنێ ل ساخلەمیا مرۆڤی دكەت ب تایبەت یا زارۆكی.
هەروەسا ل دۆر بەرهەمئینانا كارەبێ بەحسێ رێكێن ئەلتەرناتیف كرن كو دشیان داهەیە ب ووزا تاڤێ هەوەسا بای و ئاڤێ بهێتە چێكرن كو ژینگەها دهۆكێ بۆ ڤان رەنگا یا گونجایە، بەحسێ وێ چەندێ ژی كر كو نەخوشیا پەنجەشێرێ ئەگەرەكێ سەرەكی ژ ژینگەها نەساخلەم پەیدا دبیت چونكو رساس ب رێژا 2.4 یا دناڤ سوتەمەنیێ دا هەی و دویف ئامارێن ساخلەمیا دهۆكێ رێژا توشبوونا پەنجەشێرێ سال بۆ سالێ بەرەف زێدەبوونێ یە كو ل سالا 2014 ل دهۆكێ 621 حالەتێن پەنجەشێرێ هاتبوونە تۆماركرن بەلێ ل سالا 2018 ئەڤ رێژە زێدەبوویە و گەهشتیە 738 حالەتان گۆت هندەك حالەت دبیت نەهاتبنە تۆماركرن ژی، ل دووماهیێ ژی دووپاتی ل سەر ژینگەهەكا پاقژ كر كو مفا ژ وان بەرمایكان ژی بهێتە دیتن بۆ پەیدابوونا ووزێ ل جهێ ووزا ب سوتەمەنیێ كار دكەت.