ل زانكۆیا دهۆك ب رێكا بەرنامێ (E+) یێ ئێكەتیا ئورۆپی د چارچوڤێ پرۆژێ (GeoNetC) یێ پێشخستنا بابەتێن خواندنێ ل دۆر (GIS) تاقیگەهەكا پێشكەفتی هاتە ڤەكرن.
پرۆژێ (GeoNetC) سێ سالە كار تێدا دهێتە كرن بۆ دانانا سیستەمێ (E Learning) كو دڤی پرۆژەی دا زانكۆیێن ل سەر ئاستێ وەلاتێن پرتۆگال، سوید، ئیران و ژعیراقی ژی زانكۆیا دهۆك تێدا پشكدارە كو بەردەوام كۆمبوون دهاتنە ئەنجام دان و هەر جارێ ل وەلاتەكی.
تاقیگەهەكا (GIS) ل زانكۆیا دهۆك ژ بۆدجا ڤی پرۆژەی هاتیە چێكرن كو قوتابیێن خواندنا بلند و هەروەسا قوتابیێن بەكالوریوسێ ژی ئەوێن بابەتێ (GIS) دخوینن دێ مفایی ژێ وەرگرن.
ژ زانكۆیا دهۆك 13 مامۆستایێن بسپۆریێن جۆگرافی، ئەندازیاری و پلاندانانێ دڤی پرۆژەی دا د پشكدار بوون.