بۆ بەردەوامیێ د كار و چالاكیێن بهێزكرنا پێكڤەژیانێ، سەرەدانەكا دوو رۆژی بۆ قەزا ئاكرێ هاتە ئەنجام دان د چوارچۆڤێ پرۆژێ: " دەشتێت نەینەوا: بەرەڤ ساخكرنا چاندنێ، پالپشتیا پێرابوونێن كەلەپوری یێن كەلتوری ل دەشتا نەینەوا". تیمێ پرۆژەی ئەڤ سەرەدانا گرنگ رێكئێخست ل رێكەفتی 2-3ـی مەها شواتێ، 2024 بۆ كەسێن ژ كەلتور و ئاینێن جیاواز ژ دەشتا نەینەوا، 4 كەس ژ هەر گروپەكی.
ئارمانجا سەرەكی یا ڤێ چالاكیێ ئەو بوو زێدەكرنا پەیوەندیێ د ناڤبەرا كۆمەلین جودا جودا دا ب رێكەكێ كو ئاشتیێ بهێز د ئێخیت. و ئەڤ سەرەدانە گەلەك چالاكی ب خو ڤە دگرتن وەكێ هاتن وچوونێ و نانخوارنێ و كۆمبوونێ و گەنگەشەكرنێ، هەمی دگەل ئێك. و یا دیار بوو كو هەڤنیاسین د ناڤبەرا بەشداربوویان دا زیدەتر لێ هات.
دیسان، وەسا دیار بوو كو كۆمكرنا هەمی كۆمەلان پێكڤە و ونیزیك كرنا وان ژ ئێك و دوو ژینگەهەكا باشتر پەیدا دكەت بۆ پێكڤەژیانا ئاشتیانە و دەشتا نەینەوا دكەتە جهەكێ باشتر بۆ ژیانێ.
راگەهاندنا زانكۆیا دهۆك، 8ـی شواتێ، 2024
فاطمة محمود
فؤتؤ: حسێن تتمى