سەرۆكێ زانكۆیا دهۆك پرۆفیسۆر د. موسلح دهۆكی ل رۆژا 11/2/2016 پێشوازی ل شاندەكێ زانكۆیا ئیشك ب سەرۆكاتیا د. ئەحمەد ئۆزتاش سەرۆكێ زانكۆیا ئیشك ل هەولێرێ كر.
د رووینشتنەكی دا پەیوەندیێن دوقولی و چاوانیا زێدەكرن و بەرەف پێش برنا ڤان پەیوەندیان ل ناڤبەرا زانكۆیا دهۆك و زانكۆیا ئیشك و ب رێكا وێ را ل گەل زانكۆیێن توركی كو نوكە رۆلەكێ باش یێ هەی ل دەڤەرێ هاتنە بەحس كرن.
د لایەكێ دی یێ رووینشتنێ دا بەحسێ وی كۆنفرانسی هاتە كرن كو زانكۆیا ئیشك ل بەرە ل 20/2/2016 د بیاڤێ ئەندازیاری دا ل هەولێرێ ئەنجام بدەت و داخواز نامەك ئاراستەی سەرۆكێ زانكۆیا دهۆك كر بۆ پشكداری كرنێ د ڤی كۆنفرانسی دا و سەرۆكێ زانكۆیا دیاركر كو دێ ل گەل شاندەكێ زانكۆیا دهۆك تێدا پشكدار بن.
سەرۆكێ زانكۆیا دهۆك پرۆفیسۆر د. موسلح دهۆكی ئەو ژی دیاركر كو ئەڤ پەیوەندیە دێ پتر هێنە پێشخستن و بۆ سالا بهێت دێ كۆنفرانسەكێ هەڤپشك ل گەل زانكۆیا ئیشك ئەنجام دەن.