پشتی هەولەکا بەرچاڤ، ئەندامەکێ ستافێ ئەکادمی ل بەشێ ئەندازیاریا تەلارسازی کولیژا ئەندازیاری ل زانکۆیا دهۆک شیا ڤەکۆلینا خۆ یا دکتۆرایێ ل زانکۆیا کێنت ل بریتانیا ب سارکەفتیانە ب دووماهیک بینیت.
هەڤاڵ عەبدوڵڵا عەبدولکەریم، مامۆستا ل زانکۆیا دهۆک، پێشتر سکۆلەرشیپەکا نیڤدەولەتی ل سكولا تەلارسازی یا زانکۆیا کێنت وەرگرتییە، پشتی پێشکێشکرنا پرۆپۆزەڵێ ڤەکۆلینا دکتۆرایێ بۆ زانکۆیا ناڤبری. ڤەکۆلینا وی یا دکتۆرایێ ب ناڤێ:''ڤەدیتنا ئاستەنگ و دەرفەتێن بنەمایێن دەسپێکی یێن فابریک وەک پێکگەۆرک بۆ تەکنەلۆژیایێن کۆنترۆلکرنا کەشوهەوایێ چالاک ل چارچێوەیێ جیهانا گەشەسەندوو دا، ڤەکۆلینا کەیسی کو بنگەهێ وێ ل کوردستانێ یە '' ل زانکۆیا کێنت هاتە ئەنجامدان، کو ل دووماهیا تیرمەها سالا ٢٠١٧ دەسپێکر و ل تیرمەها سالا ٢٠٢٣ بدوماهیک هات. لڤێرێ بڕوانامەیا دکتۆرایێ دڤی بواریدا بدەستڤەئینا.
ڤەکۆلین لسەر وێ چەندێ بوو کو ماڵان ل عێراقێ ب وزێ کاراتر و ئاسوودەتر بکەن ب نویکرنا کەرەستێن بیناسازی. ڤەکۆلەر دکتۆرهەڤال ل شوینا کو پشت ب تەکنەلۆژیا پێشکەفتی ببەستیت، بنەمایێن ڕێبازا پاسسیڤهاوس/فێرست فابریک بجهئینا. بکارئینانا کەرەستێن بەردەست د ناڤخۆدا، ئارمانج کێمکرنا بکارئینانا وزێ، کێمکرنا دەردانا دوانا ئوکسیدی کاربوون، باشترکرنا ئاسوودەیکرنا گەرمیێ د بیناهیێن نشتەجێبوونێدا بوو.
ب ئاشکراکرنا پرۆسەیا پێشکێشکرنا پێشنیارا ڤەکۆلینێ و بدەستڤەئینانا سکۆلەرشیپا دارایی ل دەرڤەی وەلاتی بۆ خۆاندنا دکتۆرایێ، دکتۆر هەڤاڵی پێنگاڤێن ڤێ پروسەیێ روونکرن؛ بەحس ل وێ چەندێ ژی کر کو هەمی کەس دشێن دەرفەتا خواندنێ ل دەرڤەی وەلاتی بدەستڤە بینن ب رێکا لێگەریان بۆ مالپەرێن زانکۆیێن نیڤدەولەتی و چاڤدێریکرنا وان دەرفەتان یێن کو بۆ خەلکی رادگەهینن. دەسپێکێ بەحس ل وێ چەندێ دکەت کو پێدڤیە مرۆڤی بڕوانامەیا ماستەرێ ژلایەکی و شارەزاییا زمانێ ئینگلیزی ژ لایەکێ دیڤە هەبیت بۆ وێ چەندێ کو پێشکێشی سکۆلەرشیپا دکتۆرایێ بکەت. دووەم، وەک ئەو پێشنیار دکەت، مرۆڤ پێدڤییە ل دویف وان دەرفەتا بگەریت کو ب شیوێ ئونلاین دهێنە بەلاڤکرن و بزانیت ئەرێ بوارەکێ خواندنێ هەیە کو دگەل بسپۆرییا وی کەسیدا بگۆنجیت. پشتی ڤەدیتنا ئوفەرەکێ کو پەیوەندیدار بیت، مرۆڤ پێدڤی نڤیسینا پێشنیارەکا ڤەکۆلینێ هەیە کو بەحس ل ئارمانجێن ڤەکۆلینێ و وان پسیارا بکەت یا کو ڤەکۆلین بەحس دکەت.
دویفدا، باشترە فیدباک ژ بسپۆران و تایبەتماندان وەربگریت لسەر فۆڕم و بابەتی کو ڕەنگە پێشنیارێ بهێزتر بکەت. پشتی دوماهیکئینان ب پێشنیارێ، مرۆڤ پێدڤی ب پەیوەندیێ یە دگەل زانکۆیان، ب تایبەتی ڤەکۆلەران کو بوارێ خۆاندنا وان پەیوەندی ب هزرا پێشنیارێ ڤە هەیە، و دبیت سەرپەرشتیا ڤەکۆلینێ بکەن. و ئەڤ پرۆسەیە دشێت چەندین جار بهێتە دووبارە کرن و دبیت دەمەکێ درێژ ڤەکێشیت. لڤێرێ، پێدڤییە مرۆڤی بیهنفرەهی و خۆراگری هەبیت هەتا کو بەرسڤەکێ ژ زانکۆیەکێ یان ڤەکۆلەری وەرگریت کۆ پەیوەندی پێ کری.
خالەکا گرنگ ئەوە کو پشتی وەرگرتنا بەرسڤەکا ئەرێنی، تو دشێی داخازا سکۆلەرشیپەکا دارایی بکەی کو ڤەکۆلەر بۆ سەرپەرشتیکرنا کارێن تە دبیت پاڵپشتیا زانکۆیان بکەت بو پێشکێشکرنێ. دوو جۆرێن سکۆلەرشیپا پارەدار هەنە، وەک لدەڤ دکتۆر هەڤالی دیاردکەت، سکۆلەرشیپەکا پڕ پارەدار و سکۆلەرشیپەکا بەشەک پارەدار. هەردووک پارەیێن ڤەکۆلینێ و تەرخانکرنێ بۆ ژیانێ بخۆڤە دگرن. بەلێ جۆرێ دووێ پێدڤییە بڕە پارەیەکی بدەی بو وێ چەندێ کۆ بهێتە زێدەکرن بۆ وی بڕە پارێ کو زانکۆ دگەهینیت ب جورەکی کو سەرجەم بڕێ پێدڤی پارەیێ پێدڤی بۆ ڤەکۆلینێ بگریت. بەلێ هێشتا هەردوو جورە هند دباشن کو تو خۆاندنا خۆ دگەل ب ئەنجام بگەهینی و دەرفەتێن گەلەک گرنگن.
هەروەسا، دکتۆرهەڤال ئاموژگاریا وان هەمی قوتابیان دکەت یێن کو حەزا بدەستڤەئینانا سکۆلەرشیپان هەیە، خۆ و شیانێن خۆ ب کێم نە دانن و هەرکەسەک دشێت شەنسێ خۆ بدەستڤەبینیت و سکۆلەرشیپێ بدەست ڤە بینیت، گرنگ نینە کا خەلکێ کیڤەیە. تشتێ گرنگ ئەوە کو میکانیزم و ئاموژگاریێن داواکاری بۆ هاریکاریێن نیڤدەولەتی و سکۆلەرشیپان بزانیت.
لڤێرێ، ئەم ئەندامێن ستافێ ئەکادیمیا زانکۆیا دهۆک پشتراست دکەین کو هزاران دەرفەتێن بەلاڤکریێن ئونلاین ل سەرانسەری جیهانێ هەنە و زانکۆیا دهۆک هەمی گاڤا پشتگریا ستافێ خۆ دکەت بۆ بدەستڤەئینانا پێشکەفتنێ زێدەتر د زانست، ڤەکۆلین و خۆاندنێ دا.
راگەهاندنا زانكۆیا دهۆك، 15ی چریا دووێ، 2023
فاطمة محمود
وەرگێران: مێڤان مەحەمەد سالح
لینكێ ل خوارێ كلیك بكە بۆ دیتنا وەرگرتنا هەڤال عەبدوللا عەبدولكەریم باوەرناما خو یا دكتۆرایێ