سەراب عاشۆر عمو رزگاربوویەكا خەلكێ كوچویە كو ل باژێرێ باغوزێ یێ سوریێ ئەڤ سالە ژ دەستێن تیرۆرستێن داعش هاتیە رزگار كرن، ل رۆژا 21/4/2019 ژلایێ سەرۆكێ زانكۆیا دهۆك ڤە پ. د. مصلح دهۆكی هاتە خەلات كرن.
خەلاتكرنا سەراب عاشۆر ژلایێ زانكۆیا دهۆك ڤە وەكو رێزگرتن بۆ خۆراگری و قوربانی دانا خەلكێ كوچو ب گشتی یە و ب تایبەت ئەو رزگاربوویێن ڤێ دووماهیێ هاتینە رزگاركرن.
زانكۆیا دهۆك گرنگی دایە بابەتێن كۆمكرنا بەلگەنامێن جینوسایدان و بۆ ڤێ مەرەمێ ژی سەنتەرێ ڤەكۆلینێن جینوسایدێ ل زانكۆیا دهۆك دامەزراندیە و ل رۆژا 14/4/2019 ئێكەم كۆنفرانسێ زانستی یێ نێڤدەولەتی ل دۆر جینوسایدێ ل گەل سەنتەرێ بێشكچی بۆ ڤەكۆلینێن مرۆڤایەتی و سەنتەرێ ڤەكۆلینێن جینوسایدێ ل زانكۆیا ئەربیل یا نێڤدەولەتی ئەنجامدایە.