رێڤەبەرێ دلنیایی جۆری ل زانكۆیا دهۆك د. سەرهات مستەفا دیاركر كو ل رۆژا 17/2/2021 ب سەرپەرشتیا وەزیرێ خاندنا بلند و ڤەكۆلینێن زانستی ل حكومەتا هەرێما كوردستانێ و نوینەرێن سەرجەم زانكۆیێن هەرێما كوردستانێ لژنا بلند یا رێزبەندیا نشتیمانی یا زانكۆیێن هەرێمێ كۆمبوو.
د. سەرهات مستەفا ئەو ژی ئاشكرا كر كو بۆ ئەڤ سالە وەزارەتا خاندنا بلند ب بنەما و پیڤەرێن نوی و ب پشكداریا هەمی زانكۆ و پەیمانگەهێن حكومی و تایبەت دێ كاری بۆ بجهئینانا رێزبەندیا نشتیمانی یا زانكۆیان كەت.
گۆت ژی پێشتر حەفت پیڤەر هەبوون بۆ رێزبەندیا نشتیمانی ئەو ژی (ستافێ ئەكادیمی، ڤەكۆلینێن زانستی، چالاكیێن زانستی یێن نێڤدەولەتی و ناڤخۆیی، دلشادبوونا قوتابیان، دلنیایی جۆری، چالاكیێن رەوشەنبیری و جڤاكی، پەرتوكخانە) دڤێ كۆمبوونێ دا بەحس ل وێ چەندێ هاتە كرن كو كوهورین د ڤان پیڤەران دا بهێنە كرن ب رەنگەكی كو كاریگەری ل سەر بلندكرنا ئاستێ زانستی و كوالیتیا خاندنێ ل هەرێما كوردستانێ هەبیت