رێڤەبەرێ پشکێن ناڤخۆیی ل زانکۆیا دهۆک مەردان ئەحمەد ئەترووش دیارکر کو بەری نوکە د خزمەتا وان قوتابیان دابوون ئەوێن ل سنوورێ پارێزگەها دهۆک و ژ دەرڤەی باژێرێ دهۆکێ وەکو قووناغا ئێکێ، نوکە ژی وەکو قووناغا دووێ خزمەتا وان قوتابیێن زانکۆیا دهۆک دکەن یێن پارێزگەهێن هەولێر و سلێمانی و هەلەبجە پشتی کو هاتن و چوون دناڤبەرا پارێزگەھێن هەرێمێ دا ئاسایی بووی، سەرەدانا زانکۆیا دهۆک پشکێن ناڤخۆیی دکەن بۆ ب رێڤەبرنا کاروبارێن خۆ وەکو گەردەن ئازاکرن، زڤراندنا تەئمیناتێن پشکێن ناڤخۆیی کو 50 هزار دینارن بێی ژێبرینا چ پاران، هەروەسا قوتابی کەلوپەلێن دناڤا پشکێن خۆ رادەست دکەن.
رێڤەبەرێ پشکێن ناڤخۆیی هەروەسا گۆت دێ بەردەوام پێشوازیا قوتابیان کەن هەتا هەمی کاروبارێن وان ب دووماهی دهێن، ئەو چەند ژی دیارکر کو دووپاتیێ ل وان قوتابیان دکەن ئەوێن سەرەدانا رێڤەبەریا پشکێن ناڤخۆیی دکەن کو پێگیر ببن ب رێنمایێن ساخلەمی و گرێدانا ماسکا.