ل رۆژا 31/8/2019 دەه قوتابیێن زانكۆیێن حكومی یێن هەرێما كوردستانێ سەرەدانا وەڵاتێ چینێ كرن، ئەڤ گەشتە بو ماوێ 10 رۆژا ڤەكێشا و سەردانا پەكین و شەنگەهای و چەند زانكۆ دەزگەهێن زانستی یێن وی ولاتی كرن.
رۆژ عەلی قوتابیا كۆلیژا پلاندانانا جهەكی و زانستیێن كارەكی ل زانكۆیا دهۆك ئێك ژ قوتابیێن پشكدار د ڤێ گەشتێ بوو گۆت ناڤێ ڤی بەرنامەی لێك گهورینا پێزانینایە دگەل قوتابیێن زانكۆیێن ولاتێ چینێ، مە هژمارەكا قوتابیان ل زانكۆیا دهۆك پێشكێشی ڤی بەرنامەی كربوو پشتی چاڤپێكەفتنێ ژلایێ لژنەكێ ل وەزارەتا خواندنا بلند و ڤەكولینێن زانستی ئەم 10 قوتابیی ل زانكۆیێن كوردستانێ هاتینە هەلبژارتن و ئەز ژ زانكۆیا دهۆك هاتمە دەسنیشانكرن ژبو سەردانا ولاتێ چینێ.
رۆژ عەلی ئەو ژی گۆت كو ئەڤ بەرنامە بۆ چار سالە دیف ئێك ب سەرپەرشتیا قونسلخانا چینێ ل هەولێرێ و رێكخستنا وەزارەتا خواندنا بلند و ڤەكولێنێن زانستی یا هەرێما كوردستانێ دهێتە ئەنجامدان، مەبەست ژڤی بەرنامەی لێك گهورین ودیتنا كەلتورێ وەلاتێ چینێ، ئەڤ گەشتە 10 رۆژا ڤەكێشا 31/9 ئەم گەهشتینە چینێ و مەسەردانا پەكین وشەنگەهای وچەند زانكۆ دەزگەهێن زانستی یێن وی ولاتی كرن، و من وانەك ل دوور كەلتور وخاندنا مە ل زانكۆیا دهۆك پێشكێش كر وهەروەسا خواندنا كولیژا پلاندانان وهەڤپشكیا باوەرناما مە دگەل زانكۆیا (Dortmund technical university) یا ئەلمانی.