ل سەنتەرێ رەوشەنبیری و جڤاكی ل زانكۆیا دهۆك ل رۆژا 11/9/2019 ووركشۆپەك هاتە گێران ب ناڤێ ڤەكۆلینەك ل سەر پرۆسێسا دلنیای جۆری و رێزبەندیا نشتیمانی یا زانكۆیا دهۆك د پلانا سالا خواندنێ 2019-2020 ژ لایێ رێڤەبەریا دلنیای جۆری بۆ هەمی فەمانبەرێن رێكخەرێن سەر ب یەكا دلنیای جۆری ڤە ل كۆلیژ و سەنتەرێن سەر ب زانكۆیا دهۆك ڤە.
د. سەرهات مستەفا رێڤەبەرێ دلنیا جۆری ل زانكۆیا دهۆك گۆت گێرانا ڤی ووركشۆپی مەرم ژێ دیفچوونا پرۆسیسا دلنیای جۆری و بەلاڤكرنا رێنمایێن دلنیا جوری ل سەر رێكخەرێن هەمی كۆلیژ و سەنتەران هەروەسا چاوانیا زێدەكرنا داتایان دگەل رێڤەبەریا دلنیا جۆری ب شێوێ ئونلاین و بەردەوام هویربینی ل سەر ناڤا و داتایێن مامۆستایێن زانكۆیا دهۆك.
د. سەرهات ئەو ژی گۆت كو پرۆسیسا رێزبەندیا نشتمانی ب شێوەكێ گشتی تەوەرەكێ دی یێ ڤێ ووركشۆپی بوو ئەوژی دەستنیشان كرنا رێكخەرەكێ بۆ كارێ رێزبەندیا نشتیمانی ل سەر ئاستێ كۆلیژ و سەنتەرێن سەر ب زانكۆیا دهۆك ڤە، دیسا ڤەكرنا خولێن تایبەت بۆ راهێنانا رێكخەرێن دلنیا جۆری ل دیف رێنمایێن وەزارەتا خواندنا بلند و ڤەكۆلینێن زانستی.
د. لقمان هادی هاریكارێ سەرۆكێ زانكۆیێ بۆ كاروبارێن زانستی و خواندنا بلند دەست خۆشی ل فەرمانبەرێن دلنیای جۆری كر بۆ ئەو كارێ وان ئەنجام دای و داخازا بەردەوامیێ ژێ كر دیسا داخاز ژێ كر كو ب شێوێ تیم كار ل سەر رێنمایێن وەزارەتا خواندنا بلند بهێنە كرن و ژبو پتر خزمەتكرن و پێشخستنا زانكۆیا دهۆك.