كۆلیژا پزیشكیا ددانا ھەوەكا ھشیاركرنێ ئەنجامدا
كۆلیژا پزیشكیا ددانا ل زانكۆیا دھۆك ل رۆژا چوارشەمبی رێكەڤتی ٢٢ـی چریا دووێ ٢٠٢٣، دەست ب ئەنجامدانا ھەوەكا ھشیاركرنێ ل دۆر چاڤدانا ددانا و چەوانیا شویشتن و پاراستنا ددانا ل قوتابخانە و كەمپێن ئاوارا و سەنتەرێن نابینا و بێ سەمیانا ل پارێزگەھا دھۆكێ ئەنجامدا.
د. میرزا موراد تایبەتمەندێ پاراستنا ددانا ل كۆلیژا پزیشكیا ددانا دیاركر، كو سالانە ئەڤ چالاكیە ژ لایێ قوتابیێن كۆلیژێ ڤە دھێتە ئەنجامدان ب مەرەما راھێنانكرنێ، دیسان بەلاڤكرنا رەوشەنبیریا پاراستنا ددانا ل ناڤ جڤاكی ب تایبەتی قوتابیا. دیسان ناڤبری دیاركر كو د ئەڤێ چالاكیێ دا پشكنینا ددانا بۆ ھژمارەكا زۆر یا قوتابیێن قوناغێن بنەرەت دھێتە كرن ھەروەسا پێدڤیێن پاقژكرنا ددانا ل سەر دھێنە دابەشكرن و چەوانیا شویشتنا ددانا بۆ قوتابیێن قوناغێن بنەرەت دھێتە روھنكرن.
ھەژی ئاماژەدانێ یە، ئەڤ ھەوەی دێ بۆ ماوەێ پێنچ رۆژا یا بەردەوام بیت، ب پشكداریا ٦٨ قوتابیێن كۆلیژا پزیشكیا ددانا كو ب سەر پێنج گرۆپا ھاتینە دابەشكرن