ئەڤرۆ رۆژا سێشەمبی رێكەڤتی ٥ـی ئەیلولێ ٢٠٢٣، دێ زانكۆلاین بۆ ماوێ ھەشت رۆژا بۆ دەرچوویێن پۆلا دوازدێ ئامادەیی ھێتە كاراكرن و پرۆسێسا پێشكێشكرنێ بۆ وەرگرتنا قۆتابیا ل زانكۆیێن ھەرێما كوردستانێ دەستپێكەت.

قوتابیێن دەرچوویێن پۆلا دوازدێ ئامادەیی "زانستی، وێژەیی، پیشەیی" دشێن ب رێكا وێبسایتێ "www.regayzanko.com" ھەتا رۆژا سێشەمبی رێكەڤتی ١٢ ی ئەیلولی ٢٠٢٣، پێشكێشی زانكۆیێن ھەرێما كوردستانێ بكەن، ھەروەسا پێدڤیە قوتابی سەرەدانا قوتابخانێن خۆ بكەن بۆ وەرگرتنا ناڤێ بكارھێنەری و پەیڤا دەربازبوونێ "sername " و "Password".

بۆ وەرگرتنا زانیاریێن زێدەتر و ئاشنابوون ب سیستەمێن وەرگرتنێ یێن (زانكۆلاین، پارالێل، ئێڤاران) قوتابی دشێن سەرەدانا وێبسایتێ "www.regayzanko.com" و رێبەرێ وەرگرتنێ بخوینن. دیسان قوتابی دشێن سەرەدانا سەنتەرێن راوێژكاری یێن زانكۆیا بكەن بۆ وەرگرتنا روھنكرنێن پێدڤی ل دۆر چەوانیا پركرنا فۆرما وەرگرتنێ ب سیستەمێن جودا.

راگەھاندنا زانكۆیا دھۆك؛ ٥ـی ئەیلولێ ٢٠٢٣