ئەڤرۆ رێکەڤتی ٣ـی ئیلۆنێ ٢٠٢٣ و ب ئامادەبوونا د. نەبەز ئیبراهیم محەمەد، هاریکارێ سەرۆکێ زانکۆیا دهۆک بۆ کاروبارێن قوتابیان و ستافێ ناڤەندا قوتابیان، رێڤەبەرا نوی یا ناڤەندا قوتابیان، مامۆستا وەسەن غازی عەبدال، ل جهێ مامۆستا هۆنەر سەلاح ئەحمەد دەستبکاربوو.
د روینشتنەکێ دا، د. نەبەز ئیبراهیم محەمەد سوپاسی و دەستخۆشیێن سەرۆکاتیا زانکۆیا دهۆک ئاراستەی مامۆستا هۆنەر سەلاحی کرن بۆ کار و ماندیبوونا وی و وان خزمەتێن وەکو رێڤەبەرێ ناڤەندا قوتابیان پێشکێشکرن. ئەو یەکە ژی دیارکر کو سەرەرای وان چالاکیێن مامۆستا هۆنەری و ستافێ ناڤەندێ د چوار سالێن بۆری دا ئەنجامداین، مامۆستا هۆنەر شیایە پەیوەندیێن باش ل گەل سازیێن دەرڤەی زانکۆیێ ژی ئاڤابکەت.
ژ لایێ خۆ ڤە مامۆستا هۆنەری سوپاسیا سەرۆکاتیا زانکۆیا دهۆک کر بۆ وێ پشتەڤانیا ل ماوێ بۆری لێ هاتیە کرن و داخوازا سەرکەڤتنێ بۆ رێڤەبەرا نوی کر و بەرهەڤیا خۆ بۆ هەر هاریکاری و شیرەتکاریەکێ دیارکر، ب تایبەت د ماوێ دەستپێکی یێ دەستبکاربوونێ دا. هەروەسا سوپاسیا ستافێ ناڤەندێ کر بۆ پشتەڤانی و هەڤکاریا وان و پشتراستیا خۆ دیارکر کو ستافێ ناڤەندا قوتابیان ب هەمی شێوەیان دێ هەڤکار و پشتەڤان بن دگەل رێڤەبەرا نوی و دێ بەردەوام رۆلێ خۆ د پتر سەرئێخستن و پێشڤەبرنا ڤێ ناڤەندێ دا گێڕن.
راگەهاندنا زانکۆیا دهۆک، ٣ـی ئیلۆنێ ٢٠٢٣
فۆتۆ: محەمەد عەبدولکەریم