دەستپێکرنا خواندنا بلند بۆ (٢٥ـی چریا ئێکێ ٢٠٢٣) هاتە پاشئێخستن
بۆ دانا دەلیڤەیەکا زێدەتر بۆ خۆتۆمارکرنێ و وەرگرتنا مۆلەتێن خواندنێ ژ وەزارەتان، هەروەسا ژ ئەگەرێ دەرچوونا رێنمایا (١١) یا سالا ٢٠٢٣ یا تایبەت ب دەڤەرێن کوردستانێ یێن دەرڤەی ئیدارا هەرێمێ و مفاوەرگرتنا وان ژ ڤێ رێنمایێ داکو بشێن رێکارێن خۆتۆمارکرنێ و وەرگرتنا مۆلەتێ ئەنجامبدەن، وەزارەتا خواندنا بلند و ڤەکۆلینێن زانستی بریارا باشئێخستنا دەستپێکرنا خواندنا بلند دا بۆ (٢٥ـی چریا ئێکێ ٢٠٢٣).
لەورا کاندیدێن خواندنا بلند (دپلۆما بلند، ماستەر و دکتۆرا) ل زانکۆیا دهۆک ئاگەهداردکەین، کو دەستپێکرنا خواندنا وان، وەکو هەمی زانکۆیێن حکومی یێن هەرێما کوردستانێ، ژ رۆژا ئێکشەمبێ رێکەڤتی (١٥ـی چریا ئێکێ ٢٠٢٣) هاتە پاشئێخستن بۆ رۆژا چوارشەمبێ رێکەڤتی (٢٥ـی چریا ئێکێ ٢٠٢٣).
راگەهاندنا زانکۆیا دهۆک؛ ١٢ـی چریا ئێکێ ٢٠٢٣