هەڤپێچ رێنمایێن تایبەت ب وەرگرتنا قوتابیان ب سیستەمێ راستەوخو بو سالا خواندنێ (2017/2018) ل زانکوی دگەل فۆرما پێزانینێن قوتابی بو وەرگرتنێ ب سیستەمی ناڤبری (ئەڤ فورمە بو قوتابی ناهیتە دان پتنێ بو تومارکرنا پێزانینێن قوتابیان ل پشکا زانستی ونابیت ژ پشکا زانستی بدەرکەفیت) ، وبو پتر روونکرن دێ لدویف رێنمایین ب نڤیسارا مە ژمارە (1384) ل 13/8/2017 هاتینە بەلافکرن یا دەربارەی رێنمایێن وەرگرتنا قوتابیان بو سالا خواندنێ (2017/2018) ل زانكویێن هەرێما کوردستانێ ، بو هەوە رەوانەدكەین بو زانین ویاپێتڤی .

مەرج ورێنمایێن وەرگرتنا راستەوخو بو سالا خواندنێ‌ 2017 – 2018

1. قوتابی دەرچوویێ‌ ئامادەیێ‌ بیت هەردو لقێن (زانستی- وێژەیی) بو سالا خواندنێ (2017-2016) ، (2015-2016) کو ل هیچ زانکویەکا حکومی یان تایبەت نەهاتبیتە وەرگرتن .
2. رێژا نمرێ (30 % ) لسەر تاقیکرنا پشکا پێشکێشکرنێ بیت ل کولیژێ ورێژا نمرێ ( 70 %) لسەر تێکرایێ ئامادەیێ بیت.
3. تێکراێێ قوتابی یێ دەرچوونێ ژ ئامادەیی دڤێت ژ 65 % کێمتر نەبیت ( ژبلی پەروەردە وەرزشی 60 %) .
4. بو پشکێن زمانێ ئینگلیزی دڤێت نمرا ئینگلیزی ژ (64 % )کێمتر نەبیت.
و زمانێ کوردی دڤێت نمرا کوردێ ژ (60 % )کێمتر نەبیت .
و زمانێ عەرەبی دڤێت نمرا عەرەبی ژ (60 % )کێمتر نەبیت.
و پشکا ئامارێ / کو. کارگێری وئابووری دڤێت نمرا ماتماتیک ژ (64 % )کێمتر نەبیت.
و پشکا کۆمەلناسێ / کو. زانستێن مروڤایەتی دڤێت نمرا ئینگلیزی ژ (64 % )کێمتر نەبیت.
5. مەرجە ژیێ‌ قوتابی ژ (30) سالا نەبوریت.
6. زمانێ تاقیکرنێ ژ لایێ پشکا زانستی ڤە یا پەیوەندیدار دێ هێتە دیارکرن .
7. قوتابیێ دەرچوویێ ئامادەیی ل خولا ئێکێ ودووێ مافێ هەی پێشکێش بکەت وئەگەر قوتابیێ دەرچووێ خولا دووێ تیکراێ وی نەگەهشتە( 65 % ) پێشکێشکرنا وی دێ ئێتە هەلوەشاندن.
8. قوتابی مافێ هەی پێشکێشکەتە چەند پشکێن جودا جودا ل کولیژێن زانکویێ و زانکویێن جودا جودا ل هەرێمێ بمەرجێ ئەداکرنا تاقیکرنا پشکا پێشکێشکری .
9. پێشکێشکرن راستەخو دێ ل وێ پشکا زانستی/ل کولیژێ بیت یا قوتابی حەز دکەت پێشکێشکەت .
10. ڤەگوهاستن ودابەزین ل وەرگرتنا راستەوخو نینە .
11. تاقیکرن وچاڤپێکەفتن ژ (17/9/2017) تا (24/9/2017).
12. ماوێ پێشکێشکرنێ ژ (15/8/2017) تا ( 12/9/2017 ).

بو پێشکێشکرنێ دڤێت قوتابی بەلگەیێن ل خوارێ دگەل خوبینیت :
1- کارتا بەشداریکرنێ ل ئەزموونێن 12 ئامادەیی رەسەن.
2- ئەنجامێن 12 ئامادەیی پەسەندکری ژلایێ ئامادەیێ ڤە .
3- ناسناما بارێ شارستانی .
4- وێنەیەکێ قوتابی (نوی).

test time table_direct admission.xlsx