رێڤەبەریا كارگێری و خۆیەتی ل زانكۆیا دهۆك پۆستێ (رێڤەبەرێ پەرتووكخانا ناڤەندی) ل كەمپا سەرەكی یا زانكۆیا دهۆك رادگەهینیت، و هەر كەسێ مەرجێن ل خوارێ لدەف هەبن دشێت پێشكێشبكەت:
مەرجێن پێشكێشكرنێ:
1. دامەزراندیێ هەمیشەیی بیت ل زانكۆیا دهۆك.
2. هەلگرێ باوەرناما ماستەرێ یان دكتۆرایێ بیت.
3. خزمەتا وی ل زانكۆیێ ژ پێنج سالان كێمتر نەبیت و ناسناڤێ زانستی هەبیت.
4. شارەزایی و حەزا كاركرنێ د بوارێ كارگێری دا هەبیت.
5. شیانێن رێكخستن و دانوستاندن و سەرەدەرییەكا سەردەمیانە هەبن بەرامبەر كەسێن سەرەدانا پەرتووكخانێ دكەن.
6. شیانێن بكارئێنانا كومپیۆتەری و كارێن گرێدای سیستەمێن كارگێریا ئونلاین هەبن.
7. شیانێن ئاخڤتن و نڤیسینێ ب زمانێن كوردی و عەرەبی و ئنگلیزی هەبن.
ئەركێن كاری:
1. دانانا پلانا سالانە ل دەستپێكا سالا خواندنێ، تێدا پرۆگرام و چالاكی و پێدڤیێن پەرتووكخانێ بهێنە نڤیسین، دگەل خەملاندنا بودجا پێدڤی.
2. سەرپەرشتیكرنا پرۆسێسا پۆلینكرنا پەرتووكان ل پەرتووكخانێ لدویڤ بنەمایەكێ زانستی.
3. چێكرنا راپۆرتێن هەیڤانە لدۆر چەوانیا برێڤەچوونا كارێ پەرتووكخانێ، دگەل دەستنێشانكرنا خالێن لاواز و رێكێن چارەسەركرنێ.
4. دروستكرنا لژنێن تایبەت بۆ پێشڤەبرن و رێكخستنا كارێ پەرتووكخانێ.
5. هەڤكاری دگەل هەمی كولیژێن زانكۆیێ بۆ هاندانا قوتابی و مامۆستایان بۆ بكارئینانا پەرتووكخانا ناڤەندی و مفاوەرگرتن ژ ژێدەرێن سەردەمیانە.
6. دروستكرنا هەماهەنگی و پەیوەندیێن بهێز د ناڤبەرا پەرتووكخانا ناڤەندی و پەرتووكخانێن دی یێن كولیژێن زانكۆیێ دا.
بەرپرسایەتیا كاری:
1. بەرپرسێ ئێكێیە بەرامبەر زانكۆیێ، لسەر پاراستنا پەرتووك و ژێدەر و ئامیرە و كەلوپەلێن پەرتووكخانێ.
2. بەرپرسە لسەر دویڤچوون و پێشڤەبرنێن زانستی و تەكنیكی یێن گرێدای هەلگرتن و ڤەگەراندنا پەرتووك و بەلگەنامە و پێزانینان، هەروەسا لسەر چەوانیا بكارئینانا كومپیۆتەران و پرۆسێسا دوكیۆمێنتكرنا ئەلكترۆنی.
3. هەلگرتنا بەرپرسایەتیا كارگێری بەرامبەر فەرمانبەرێن لسەر مێلاكێ پەرتووكخانێ.
4. بەرپرسە لسەر ئەنجامدانا رێكارێن كارگێری یێن كارپێكری بەرامبەر هەر بوویەرەكێ یان پێشهاتەكی، ب هەماهەنگی دگەل سەرۆكاتیا زانكۆیێ.
5. بەرپرسە لسەر راپۆرتكرنا كێماسیێن ئاڤاهیێ پەرتووكخانێ بۆ جهێن پەیوەندیدار.
6. بەرپرسە لسەر كارێ رۆژانەیێ كافیتیریایا پەرتووكخانێ لدویڤ گرێبەستا ئیمزاكری.
بەلگەنامێن پێدڤی بۆ پێشكێشكرنێ:
1. پوختا راژەی، كو ژ لایێ كارگێریا كولیژێ یان ژ سەرۆكاتیا زانكۆیێ ڤە هاتبیتە پەسەندكرن.
2. سی ڤی.
3. ئەو بەرێزێ پێشكێشی ڤی پۆستێ دكەت، باشترە دید و بۆچوونێن خۆ پێشكێشبكەت.
شێوازی پێشكێشكرنێ:
پێشكێشكرن دی ب رێكا ئیمێلێ admin@uod.ac بیت، و پێدڤیە داواكار د ناڤونیشانێ ئیمێلێ خۆ دا ڤی كۆدی بنڤێسیت (ADMINL2022)، بەروڤاژی ڤێ چەندێ، داخوازی لبەرچاڤ ناهێتە وەرگرتن.
ماوێ پێشكێش كرنا داخوازیێ:
ـ ژ دەستپێكا دەواما فەرمی ل 7/2/2022
ـ هەتا دوماهیا دەواما فەرمی ل 14/2/2022
بۆ پتر پێزانینان لدۆر پرۆسێسا پێشكێشكرنێ، پەیوەندیێ ب رێڤەبەریا كارگێری و خۆیەتی ل سەرۆكاتیا زانكۆیا دهۆك بكەن:
ئیمێل: ad@uod.ac
تێلەفۆن: 07504508732