ل دویڤ رێزبەندیا زانكۆیێن جیھانی بۆ سالا 2023، یاكو ژلایێ سازیا خواندنا بلند تایمز ڤە "The Times Higher Education" ھاتیە ئەنجامدان، زانكۆیا دھۆك رێزا ئێكێ ل سەر ئاستێ زانكۆیێن ھەرێما كوردستانێ ب دەستخۆڤەئینا.
سازیا "The Times Higher Education" سازیەكا باوەرپێكریە، داتا و پێزانینا ل سەر ئاستێ زانكۆیێن جیھانێ وەردگریت و سالانە رێزبەندیا زانكۆیا رادگەھینیت، ئەوژی ب رێكا ھەڤبەركرنا داتایێن جۆریا فێركرنێ و شارەزاییا بوارێ زانستی و ئەكادیمی ب مەرەما ھاندانا زانكۆیێن جیھانێ بۆ پتر پێشڤەبرنا كەرتێ فێركرنێ، دیسان ئەڤ سازیە خزمەتێن راوێژكرنێ و پێشكێشكرنا چارەسەریان پێشكێشی زانكۆیا دكەت.
رێزبەندیا تایمز یا خواندنا بلندا جیهانی یا زانکۆیان The Times Higher Education"، پشتبەستنێ ل سەر هژمارەکا زۆرا پیڤەران دکەت، ژ واناپ کوالێتیا وانەگۆتنێ، رێژا ستافێ ئەکادیمی و کارگێری و قوتابیان، داهاتێ ڤەکۆلینان، ڤەکۆلینێن کاریگەر و دیاربوونا ل سەر ئاستێ ناڤدەولەتی. ئەڤ رێزبەندیە ب شێوەیەکی هاتیە دارێژتن کو هەلسەنگاندنەکا گشتگیر و هەڤسەنگ بۆ کارێ زانکۆیان ل سەر بنەمایەکێ گشتگیرێ هەمی ئەرکێن سەرەکیێن زانکۆیان بخۆڤەدگریت، پێشکێشدکەت.
ھەژی ئاماژەدانێ یە، ل دویڤ پۆلینكرنا سایتێ UniRank بۆ سالا 2023، زانكۆیا دھۆك پلا ئێكێ ل سەر ئاستێ زانكۆیێن حكومی یێن ھەرێما كوردستانێ و پلا دووێ ل سەر ئاستێ 28 زانكۆیێن حكومی و تایبەت یێن ھەرێما كوردستانێ بدەستڤەئینابوو.
بۆ دیتنا رێزبەندیا زانكۆیا دھۆك سەرەدانا لینكێ ل خوارێ بكە: