ل رۆژا ئێك شەمبی رێكەڤتی ٣ـی ئەیلولێ ٢٠٢٣ دێ رێڤەبەریا پشكێن ناڤخۆیی ل زانكۆیا دھۆك دەست ب دابەشكرنا پشكێن ناڤخۆیی بۆ سالا خواندنێ ٢٠٢٣ – ٢٠٢٤ ل سەر قوتابیێن زانكۆیا دھۆك كەت.

- پرۆسێسا بەلاڤكرنا پشكێن ناڤخۆیی ل سەر قوتابیێن كچ دێ ل رۆژا ئێكشەمبی رێكەڤتی ٣ـی ئەیلولێ ٢٠٢٣ دەستپێكەت و بۆ قوتابیێن كور ل رۆژا سێشەمبی رێكەڤتی ٥ـی ئەیلولێ ٢٠٢٣ بیت و دێ پرۆسێسا بەلاڤكرنێ یا بەردەوام بیت ھەتا ئاكنجیكرنا قوتابیا ل سەرانسەری قەزایێن "دھۆك، ئامێدی، سێمێل" ب دویماھی دھێت.

- پێدڤیە قوتابیێن سیستەمێ خواندنێ "زانكۆلاین" پەسەندا كۆلیژێ و فەرمانا زانكۆیێ ل كۆلیژا خۆ وەربگریت و ئێكسەر دێ چیتە پشكا ناڤخۆیی یێ سالا بووری لێ ئاكنجی.

- پێدڤیە قوتابیێن سیستەمێ خواندنێ "پارالێل" و "ئێڤاران" پەسەندا كۆلیژێ و فەرمانا زانكۆیێ ل كۆلیژا خۆ وەرگریت و پسولەكا (٥٠٠٠٠) پێنجی ھزار دینار وەك بارمتە (تأمینات) و پسولەكا (٢٥٠٠٠) دوسەد و پێنجی ھزار دینار وەك كرێیا پشكا ناڤخۆیی ل ھۆلا خواندنێ ل پشكا ناڤخۆیی شیفا گەردی 2 ل كەمپا زانكۆ ببریت و ئێكسەر دێ چیتە پشكا ناڤخۆیی یێ سالا بوری لێ ئاكنجی.

بەلگەنامێن پێدڤی:

- 2 دوو وێنەیێن موعامەلا.

- پسولا بارمتە (تأمینات) یا سالا بووری (٢٠٢٢ – ٢٠٢٣).

- باجا كۆلیژێ.

- پشتی ب دویماھی ھاتنا پرۆسێسا بەلاڤكرنا پشكێن ناڤخۆیی ل سەر قوتابیا، بۆ ماوێ (40) رۆژا دەلیڤە دێ ب قوتابیا ھێتە دان بۆ ڤەگوھاستنێ ژ پشكەكا ناڤخۆیی بۆ ئێكا دی، و ئەگەرێ ڤەگۆھاستنێ ژی دێ ل بەرچاڤ ھێتە وەرگرتن.

- ژ ئەگەرێ نەكرێكرنا پشكەكا ناڤخۆیی یا تایبەت (ئەھلی) ئەو قوتابیێن ئاكنجی ل وێ پشكا ناڤخۆیی دێ بۆ پشكەكا دی یا ناڤخۆیی ھێنە ڤەگوھاستن وەكی ل خوارێ دیاركری و ل دویڤ رێكخستنا رێڤەبەریا پشكێن ناڤخۆیی دێ ھێتە ئاكنجیكرن.

- قوتابیێن سالا بوری ل پشكا ناڤخۆیی (دیندار) دێ ھێنە ڤەگوھاستن بۆ پشكا ناڤخۆیی (شیلان) كو دكەڤیتە نێزیك نەخۆشخانا شیلان یا تایبەت.

- قوتابیێن پشكا ناڤخۆیی (خاك) دێ ھێنە ڤەگوھاستن بۆ پێشكێن ناڤخۆیی (كوردستان سالح ١ و ٢ و ٣ و ژیان) كو دكەڤنە تاخێ گرێ باسی.

رێڤەبەریا پشكێن ناڤخۆیی؛ ٢ـی ئەیلولێ ٢٠٢٣