دەرچوویەكێ زانكۆیا دھۆك كورسیەكا ئێكانە ل زانكۆیا "ملك سعود" ب دەستخۆڤە ئینا
دەرچوویەكێ زانكۆیا دھۆك ب ناڤێ ئەحمەد نازم رەشید، ب رێكا پێشكێشكرنێ بۆ سكۆلەرشیپێ زانكۆیا "ملك سعود" یا شاھنیشنا سعودیا عەرەبی، د پێشبركێیەكێ دا ل گەل دەھان پێشكێشكاران شیا كورسیەكا خواندنا بلند "ماستەرێ" یا بسپۆرێ مایكرۆبایۆلۆژی ب دەستخۆڤە بینیت.
ئەحمەد نازم رەشید، ئاكنجیێ قەزا بەردەرەشە و دەرچوویێ ئێكێ یە ل پشكا بایۆلۆژی ل كولیژا زانست ل سالا ٢٠٢٠ – ٢٠٢١، ناڤبری پشتی دەرچوونێ ژ زانكۆیا دھۆك ب رێكا ئونلاین وانەیا بۆ قۆتابیێن پشكا بایۆلۆژی پێشكێشدكەت، دیسان قوتابی ب رێكا كەنالەكێ یۆتیۆبی یێ تایبەت ب وی مفای ژ زانینا وی وەردگرن.
ھەژی گوتنێ یە زانكۆیا "ملك سعود" كو زانكۆیەكا سعودیە ل باژێرێ ریاز پایتەختێ شاھنشینا سعودیا عەرەبی، ئێكەمین زانكۆیە ل سەر ئاستێ زانكۆیێن عەرەبی و سێیەمین زانكۆیە ل رۆژھەلاتا ناڤین ل دویڤ رێزبەندیا وێبسایتێ جیھانی "شنگھای".