د چارچوڤێ قارەمانیا زانکۆیێن هەرێما کوردستانێ دا، ئەوا ژلایێ زانکۆیا سەلاحەدین - هەولێر ڤە هاتیە رێکخستن، زانکۆیا دهۆک رێزا ئێکێ د یاریێن مەلاڤانی و شەترەنجێ و رێزا دوو د یاریا تەپا سەر مێزێ ب دەستخوڤەئیانا.

د. فەلاح سەعدون عومەر، سەرۆکێ شاندێ زانکۆیا دهۆک د قارەمانیا زانکۆیێن هەرێما کوردستانێ دا دیارکر؛ ب شنازیڤە یاریزانێن زانکۆیا دهۆک ئاستەکێ بلند د قارەمانیا زانکۆیێن هەرێما کوردستانێ دا د یاریێن مەلەڤان و شەترەنج و تەپا سەرمێزێ دا پێشکێشکر، ناڤبری دیاركر كو زانکۆیا دهۆک د سێ یاریان دا ب شەش یاریزانا پشكدار بوو ئەوژی "یاریا شەترەنجێ، د. نزار جەمیل خالد و م. هەرمان محەمەد صالح، و یاریا تەپا سەرمێزێ، م. قەحتان عەدنان ئەحمەد و م. سەیف محەمەد بەشیر، هەروەسا د یاریا مەلەڤانیا دا، د. بیلال خەیری محەمەد و د. منهل خالد عەلی، د ئەنجامدا زانکۆیا دھۆك شیا ئەنجامێن باش ب دەستخوڤە بینیت.

هەژی ئاماژەپێدانێ یە، قارەمانیا زانکۆیێن هەرێما کوردستانێ بۆ یاریێن "شەترەنج، مەلەڤانی، تەپا سەرمێزێ" ب پشكداریا ١٢ زانکۆیێن هەرێما کوردستانێ "زانکۆیا دهۆک، زانکۆیا پۆلیتەکنیکی دهۆک، زانکۆیا زاخۆ، زانكۆیا جیهان دهۆک، زانكۆیا جیهان هەولێر، زانكۆیا پزیشکی هەولێر، زانکۆیا سەلاحەدین - ھەولێر، زانکۆیا تیشک، زانکۆیا کومار، زانکۆیا چەرمۆ، زانکۆیا کۆیە، زانکۆیا پۆلیتەکنیکی هەولێر)، ژ لایێ زانکۆیا سەلاحەدین – هەولێر ڤە هاتبوو رێکخستن و بۆ ماوێ سێ رۆژا ل کۆلیژا وەرزشی ل زانکۆیا سەلاحەدین - هەولێر و یانەیا خانزاد یا شەترەنجێ هاتە ئەنجامدان.

زانكۆیا دھۆك پیرۆزباھیێ ل یاریزان و شاندێ پشكدار یێ زانكۆیا دھۆك دكەت بۆ ب دەستڤەئینانا ڤان ناسناڤا. زانكۆیا دھۆك بەردەوام پشتەڤانیا مامۆستا و قوتابیێن خۆ دكەت بۆ پشكداریكرنێ د قارەمانیێن دەرڤەی زانكۆیێ.

راگەھاندنا زانكۆیا دھۆك؛ ١٩ـی تەباخێ ٢٠٢٣

نڤیسین؛ حسێن تتمى