جڤاتا زانكۆیا دهۆك ل رۆژا 19/7/2017 سەرەدانا كۆلیژا پەروەردێ ل ئاكرێ كر و كۆمبوونەكا جڤاتێ ل ئاكرێ ئەنجام دا.
د ڤێ كومبوونێ دا كو سەرۆكێ زانكۆیا دهۆك پرۆفیسۆر د. مسلح دهۆكی و هەرسێ هاریكارێن سەرۆكێ زانكۆیێ (كاروبارێن قوتابیان، كاروبارێن كارگێری و دارایی، كاروبارێن زانستی و خواندنا بلند) و راگرێن كۆلیژێن زانكۆیێ بەرهەڤ ببون, چەند بابەتێن گرێدایی زانكۆیا دهۆك بەحس كرن.
راگرێ كۆلیژا پەروەردا ئاكرێ د. هەڤال سەلیم دیاركر كو د ڤێ كۆمبوونێ دا بریار هاتە دان كو لژنەكا دیفچوونێ بهێتە پێكئینان ل دۆر بابەتێ دانانا زانكۆیەكی ل ئاكرێ بۆ هەلسەنگاندنا رەوشا خواندنا بلند ل ئاكرێ كا چەند یا هاریكارە بۆ دامەزراندنا زانكۆیەكی ل وێ دەڤەرێ.
د. هەڤال سەلیم ئەو ژی دیاركر كو هەر د كۆمبوونا جڤاتا زانكۆیێ دا بریار هاتە دان كو تاقیكرنێن خولا دووێ یێن كۆلیژێن زانكۆیا دهۆك ل رۆژا 9/9/2017 دەست پێ بكەن، گۆت ژی لژنەك هاتە پێك ئینان د ڤێ كۆمبوونێ دا بۆ پشتەڤانیا ئەنجام دانا ریفراندومێ و بەحسكرن و شروڤەكرنا ڤی بابەتی ب رێكێن زانستی و ئەكادیمی بۆ جڤاكی.