رێکەڤتی ٤ـی ئادارا ٢٠٢٤ـێ، ب ئامادەبوونا د. لوقمان هادی، هاریکارێ سەرۆکێ زانکۆیێ بۆ کارۆبارێن زانستی، هژمارەکا مامۆستا و قوتابیان ل زانکۆیا دهۆك پێشبرکیەك ل ژێر ناڤێ Behaviour of Eco-Friendly Concrete prisms(EFCP)under impact Loading(ڕەفتارا شەشپالۆ یێ کونکریتی یێن ژینگەهـ دۆست) دناڤبەرا 10 زانکۆیێن هەرێما کوردستانێ هاتە ئەنجامدان، کو ژلایێ چاپتەرێ قوتابیێن زانکۆیا دهۆک یێن پەیمانگەها کۆنکرێتى یا ئەمریکى(ACI-UoD Student Chapter) هاتبوو رێکخستن.

ل دەسپێکێ هاریکارێ سەرۆکێ زانکۆیا دهۆك پشتەڤانییا خۆ بۆ ئەڤان جۆرە چالاکیێن قوتابییان دیارکر و خواست ئەڤ چالاکیێن قوتابیان د بەردەوام بن و دەستخۆشی ل چاپتەرێ ACI یێ قوتابیا کر.

د. جێمس هەیدۆ، ڕاگرئ کۆلیژا ئەندازیاری ل زانکۆیا دهۆك دیارکر، ئەڤ چالاکیە قوتابی پێکڤە کاردکەن و بەرهەمەکی دروست دکەن، لەوڕا ئەڤ چالاکییە د ناڤ زانکۆیاندا د گرنگن، سوپاسیا زانکۆیێن هەرێما کوردستانێ بۆ پشکداریکرنا وان د ئەڤێ پێشبرکییێدا.

ل دویڤدا، ژ لایێ ڕاگرئ کۆلیژا ئەندازیاری ڤە، سوپاسنامە پێشکێشی کۆمپانیێن پشتەڤانی ل ئەڤێ پێشبرکییێ کری هاتە کرن.

زانکۆیێن پشکداری د ئەڤێ پێشبرکییێدا کری ئەڤەبوون؛ زانکۆیا دهۆك، زانکۆیا نەوروز، زانکۆیا پۆلیتەکنیکی یا دهۆك، زانکۆیا زاخۆ، زانکۆیا پۆلیتەکنیکی یا هەولێرێ، زانکۆیا تیشك، زانکۆیا ڕاپەرین، زانکۆیا سۆران زانکۆیا سلێمانی و زانکۆیا سەلاحەدین کو ژ ٢٦ گرۆپان پێکدهێت.

مەرەم ژ جالاکییێ ئەوە، دەلیڤەیەکێ بۆ قوتابیێن ئەندازیاریا شارستانی بەردەست بکەن و ئاستێ وان د زانستێ کۆنکریتیدا پێش بکەڤیت و شارەزایی بۆ دروست بیت، هەروەسا ئەڤ پێشبرکیە هاتیە ڕێکخستن ژ لایێ چاپتەرێ ACI تایێ دهۆك ب هەڤکاری دگەل چاپتەرێ ACI تایێ هەولێرێ.

دهێتە زانینن، چاپتەرێ ACI-UoD، یێ قوتابیان ل سالا ٢٠٢١-٢٠٢٢ هاتیە دامەزراندن و ٢٣ قوتابی د ئەڤی چاپتەریدا هەنە.

بۆ بینینا وێنەیێن پێشبرکێ سەردانا لینکێ ل خواری بکە :

https://drive.google.com/drive/folders/1sahtJYE7_cZ51NElLo2JTFcJDkkkQAVv?usp=sharing

ڕاگەهاندنا زانکۆیا دهۆك؛ ٤ـی ئادارا ٢٠٢٤ـێ

تەڤژین الیاس

فوتۆ؛ محەمەد بێسکی