ئەڤرۆ رۆژا دوشەمبی رێکەڤتی ١٢ـی خزیرانێ ٢٠٢٣، دەمژمێر ١١ـی سپێدێ تا دەمژمێر ٣ـی ئێڤاری، ل ١٧ کولیژێن زانکۆیا دهۆک تاقیکرنا توانستا زانستی بۆ خواندنا بلند (دبلۆما بلند، ماستەر، دکتۆرا) ب سەرکەڤتیانە هاتە ئەنجامدان.
ب مەبەستا ئاگەهداربوون ل سەر رەوشا ئەنجامدانا تاقیکرنێن توانستا زانستی ل زانکۆیا دهۆک، د. لقمان هادی حسن هاریکارێ سەرۆکێ زانکۆیێ بۆ کاروبارێن زانستی و خواندنا بلند، و د. دلشاد عبدالجبار حلیم هاریکارێ سەروکێ زانکویا دهۆک بۆ کارۆبارێن کارگێری ودارایی، ل دەمێ دەسپێکرنا تاقیکرنا توانستا زانستی سەردانا هۆلێن تاقیکرنا کر، پاشى د. لقمان هادی حسن دیارکر: ل ٦٦ هۆلا تاقیکرنان ل ١٧ کولیژێن زانکۆیا دهۆک پێشکێشکەران بەشداری د تاقیکرنێن توانستا زانستی بۆ خواندنا بلند کریە. دیسان هاریکارێ سەرۆکێ زانکۆیا دهۆک گۆت"خۆشبەختانە ل زانکۆیا دهۆک پرۆسەیا ئەنجامدانا تاقیکرنا توانستا زانستی بۆ خواندنا بلند سەرکەڤتیانە هاتە ئەنجامدان“.
ل دویڤ دا د. لقمان هادی حسن هاریکارێ سەرۆکێ زانکۆیا دهۆک، ب ناڤێ سەرۆکاتیا زانکۆیا دهۆک سوپاسیا راگرێن کولیژا و سەرۆک پشک و لیژنێن تاقیکرنێن توانستا زانستی و لیژنێن دانانا پرسیارا و سەرپەرشت و چاڤدێرێن هولێن تاقیکرنا کر، ژبەر رۆلێ وان یێ سەرەکی د سەرکەڤتنا پرۆسا تاقیکرنێن توانستا زانستی بۆ خواندنا بلند ل زانکۆیا دهۆک.
هەژی گۆتنێ یە، (٢١٠٩) پێشکێشکەرا ل (١٧ )کولیژێن زانکۆیا دهۆک پێشکێشی خواندنا بلند کریە، کو (١٥٦) دبلوما بلند ئێک سالی، (٨) دبلوما بلند دو سالی، (١٥٥٧) ماستەر، (٣٨٨) دکتۆرا.
راگەهاندنا زانکۆیا دهۆک؛ ١٢ـی خزیرانێ ٢٠٢٣
ئامادەکرن: حسێن تتمی
فۆتۆ: محمد عبدالکریم