سەنتەرێ رەوشەنبیرى و جڤاکی

(سه‌نته‌رێ ره‌وشه‌نبیرى وجڤاكى زانكویا دهوك)
سه‌نته‌رێ ره‌وشه‌نبیرى و جڤاكى ل زانكویا دهوك ل سالا 1992 هاتیه‌ دامه‌زراندن , سه‌نته‌ر وه‌كو ده‌روازه‌یه‌ك بكار بویه‌ و جهه‌كێ به‌رده‌وام بویه‌ ژبو په‌یداكرنا گه‌شه‌یه‌كا بێهنفره‌ه و خوش بو سه‌رجه‌م مێهڤان و ماموستا و فه‌رمانبه‌ر و خوێندكارێن زانكویێ ل ده‌مێن بێهن ڤه‌دانێ .سه‌نته‌ر به‌رده‌وامه‌ د راپه‌راندنا ئه‌رك و كارێن زانستى و ئه‌كادیمى و بزاڤ و چالاكى و بویه‌رێن جوراوجورێن نشتیمانى و نه‌ته‌وه‌یى,سه‌نته‌رێ مه‌ ژلایێ ستافه‌كێ پێشكه‌فتى و تایبه‌تمه‌ندڤه‌  دهێته‌ رێڤه‌برت , ئه‌ڤى سه‌نته‌رى چه‌ندین ئه‌رك و ئارمانج هه‌نه‌ و خودان دیتنه‌كا تایبه‌ته‌ و ئه‌ڤه‌ژى دبزاڤ و چالاكیێن سه‌نته‌رى دا خویادبیت... و هه‌ردیسان سه‌نته‌ر  ئه‌ڤان پشكێن لخوارێ بخوڤه‌ دگریت :
((كارگێرى , راگه‌هاندن وچالاكى و IT, رادیویا زانكو , هولا وه‌رزشى , خولا شوفێریێ , سه‌خبێرى , عه‌مبار)) دیسان هه‌ژى ئاماژێ یه‌ ئاڤاهیێ سه‌نته‌رى دكه‌ڤیته‌ سه‌ر گره‌كێ بلند هنداڤى باژێرێ دهوكێ و رێك وپێكى و سیمایه‌كێ زورجوان هه‌یه‌ و بڤى ره‌نگێ لخوارێ پێك دهێت:
1-صالا پێشوازیێ:
 به‌رفره‌هیه‌كا مه‌زن بخوڤه‌ دگریت و كه‌لوپه‌له‌كێ رێك وپێك و جوان تێدایه‌, دهێته‌ بكارئینان ژبو پێشوازیا مێهڤانان بگشتى و ژبو بهێنڤه‌دانا لده‌مێ راپه‌راندنا بزاڤ و چالاكیان و دیسان بو ئه‌نجامدانا پرێس كونفرانسان و گێڕانا دیبه‌یت و دیدار و چاڤپێكه‌فتنێن تێلفزیونى,هه‌روه‌سا ژبه‌ر كه‌شه‌یا ئارام و بێده‌نگ دهێته‌ بكارئینان ژلایێ قوتابیێن خواندنا بلند و ماموستایێن زانكویێ ڤه‌ بو خاندنا بلند و گه‌نگه‌شه‌كرنێ.
2-هولێن (2,1 ) سمینار:
ڕێك و پێك ومودێرنن ب باشترین كورسیێن روینشتنێ و منه‌صه‌ و ستێجێن تایبه‌ت و ژ رویێ ته‌كنولوژیایێ ڤه‌ژى بێ كێماسیه‌ , دهێنه‌ بكارئینان بو گه‌نگه‌شێن زانستى و ئه‌كادیمى و پێشكێشكرنا كور و سمیناران.
3- هولێن (4,3 ) وورك شۆپ:
 زور مودێرن و پێشكه‌فتى نه‌ و دیسان ژ رویێ كه‌لوپه‌ل و پێدڤیێن كارى ڤه‌ بێ كێماسینه‌ و سه‌رجه‌م پێدڤیێن ته‌كنولوژیاى تێدا هه‌نه‌ دهێته‌ بكارئینان ژبو گێڕانا وورك شوپ و  خول و سمینار و گه‌نگه‌شه‌ و دیبه‌یتێن زانستى و ئه‌كادیمى و وێژه‌یى و بزاڤ و چالاكیێن هه‌مه‌جور.
4- هولا  كومپیوته‌رى:
 هوله‌كا زور پێشكه‌فتیه‌ و باشترین كه‌ل و په‌لێن ڕوینشتنێ و باشترین كومپیوته‌ر و سیسته‌مێ ته‌كنولوژیایێ تێدایه‌ ژ (30) كومپیوته‌ران پێك دهێت و دهێته‌ بكارئینان بو ئه‌نجامدانا خولێن تایبه‌ت و ئه‌كادیمى یێن زانستێ كومپیوته‌رى.
5-هولا كومبونێت تایبه‌ت:
هوله‌كا پێشكه‌فتیه‌  ژ (40) كورسیان پێك دهێت دگه‌ل باشترین كه‌ل و په‌لێن پێدڤى و سیسته‌مه‌كێ ده‌نگى و تكنولوژیایێ زور باش تێدایه‌ , دهێته‌ بكارئینان بو كومبونێن تایبه‌ت و گرن  بیانى و نافخویى , دیسان ژبو كوربه‌ند و دیبه‌یتێن گرنگ  یێن زانستى ئه‌كادیمى و هزرى و ره‌وشه‌نبیرى.
6-ژورا ڤیدیو كونفرانس:
 ژوره‌كا تایبه‌ته‌ باشترین و نویترین سیسته‌مێ ڤیدیو كونفرانس تێدایه‌,دهێته‌ بكارئینان ژبو ڤه‌گوهاستنا كومبونێن زانستى و ئه‌كادیمى و ه‌دیسان دیدار و كومبونێن تایبه‌ت بشێوه‌كێ ڕاسته‌وخو بو هه‌ر وه‌لاته‌كى سه‌رانسه‌رى جیهانێ.
7- هولا (VIP -  (1  
جهه‌كێ تایبه‌ته‌ بو كه‌سایه‌تى و شاندێن فه‌رمى  یێن ناڤخویى و بیانى,و باشترین كه‌لوپه‌ل و پێدڤیێن كارى تێدا هه‌نه‌.
8- هولا (VIP -  (2  
 جهه‌كێ تایبه‌ته‌ بو پێشوازیكرن و بێهنڤه‌دانا شاندێن تایبه‌ت یێن ناڤخویى و بیانى و سه‌ر جه‌م پێویستى و كه‌لوپه‌لێن پێدڤى تێدا هه‌نه‌.
9-هولا وه‌رزشى:
هوله‌كا مه‌زن و پێشكه‌فتیه‌,باشترین و نویترین كه‌لوپه‌لێن وه‌رزشى تێدا هه‌نه‌, هول یا ته‌رخانكریه‌ بو پێشوازیكرنا ماموستا و فه‌رمانبه‌رێن زانكویێ ژ هه‌ردو ره‌گه‌زان و دهێته‌ برێڤه‌برن ژلایێ باشترین راهێنه‌رێن تایبه‌ت و شاره‌زا دبوارێ هولێن وه‌رزشى دا.
10-خولا شوفێریێ:
ترومبێلێن تایبه‌ت هه‌نه‌ و ژلایێ باشترین راهێنه‌رێن شوفێر دهێنه‌ برێڤه‌برن و مه‌شقدان لدیڤ سیسته‌مێ ستاندارت,وئه‌ڤ خوله‌ یا تایبه‌ته‌ ب ره‌گه‌زێ (مێ) ڤه‌ ژ ماموستا و فه‌رمانبه‌رێن زانكویێ.
11-رادیویا زانكو :
 98.3 FM ده‌نگێ راسته‌قینه‌ یێ زانكویا دهوك , دهێته‌ بڕێڤه‌برن ژلایێ ستافه‌كێ پرۆفێشنال و خودان شیان و سه‌ربور ,ئه‌ركێ وێ گه‌هاندنا  بزاڤ و چالاكى و بویه‌رێن ناڤا زانكویێ یه‌ بو جڤاكى برێكا چه‌ندین برگا و پروگرامان.
12-ئه‌ركێن سه‌نته‌رێ:
 سه‌نته‌ر هه‌ول دده‌ت هه‌مى خزمه‌تێن پێدڤى ژ رویێ كارگیرى و هونه‌رى و ته‌كنولوژیایى ڤه‌ پێشكێشى مێهڤانان بكه‌ت ب باشترین و ساناهیترین ڕێك, ژلایه‌كێ دیڤه‌ سه‌نته‌ر به‌ردوام دهه‌ولێن خودایه‌ ژبو ئه‌نجامدانا بزاڤ و چالاكیێن هه‌مه‌ڕه‌نگ  یێن زانستى و ئه‌كادیمى و نشتیمانى و نه‌ته‌وه‌یى و ساخكرنا بویه‌ران و ئه‌نجامدانا ئاهه‌نگێن گشتى و تایبه‌ت و ڤه‌كرنا خول و وورك شوپان, و پێشوازیكرن و رێڤه‌برنا شاندان و ئه‌ف خزمه‌ته‌ به‌رده‌وامن ب شه‌ڤ و روژ.
13-ئارمانجێن سه‌نته‌رى:
 سه‌نته‌ر خو دبینت وه‌كى پره‌یه‌كا په‌یوه‌ندیكرن و تێكهه‌لیێ  دناڤبه‌را زانكویێ وه‌كو بلندترین سازیا زانست و ئه‌كادیمى و ره‌وشه‌نبیرى دگه‌ل جڤاكى , د هه‌ولێن به‌رده‌وام دایه‌ ژبو بهێزكرنا ئه‌ڤێ په‌یوه‌ندیێ و به‌رفره‌هكرن و زێده‌كرنا ده‌رگه‌هان لبه‌ر  جڤاكى ل هه‌مى ئاستان یێن فه‌رمى و جڤاكێ سڤیل و سه‌رجه‌م ته‌خ و چینێن جڤاكى.
14-خوارنگه‌ها سه‌نته‌رى:
خوارنگه‌هه‌كا مه‌زن و بهێن فره‌هه‌ ب باشترین كه‌لوپه‌ل و پێدڤیان پێكدهێت و باشترین و خوشترین خوارنێن ناڤخویى و كورده‌وارى و بیانى پێشكێش دكه‌ت, و  هه‌روه‌سا هولا خارنگه‌هێ دهێته‌ بكارئینان بو گێرانا ئاهه‌نگ و سه‌رسالان.
15-باغچه‌یێن سه‌نته‌رى:
باغچه‌یێن سه‌نته‌رى  روبه‌ره‌كێ مه‌زن بخوڤه‌دگرن  و دكه‌ڤنه‌ هه‌مبه‌ر باژێرێ دهوكێ كو دیمه‌نه‌ كێ زور جوان بخوفه‌ دبینت,و ئه‌ڤ باغچه‌یه‌ ل وه‌رزێ هاڤینێ دبنه‌ جهێ بێهنڤه‌دان و خوار نگه‌ه و  ده‌مێن زور خوش لێ دهێنه‌ بوراندن.
16-دیتنا سه‌نته‌رى :
دیتنه‌كا تایبه‌ت بو پاشه‌ڕوژا كار و بزاڤ و چالاكیان و ئه‌رك و ئارمانجان هه‌یه‌ و دیسان دبوارێ په‌ره‌پێدان و گه‌شه‌كرن و موكمكرنا تێكه‌لى و په‌یوه‌ندیان دناڤبه‌را زانكویێ و جڤاكى دا بهیڤیا وێ چه‌ندێ دگه‌ل پێشڤه‌چوون و گهورینێن هه‌ر سه‌رده‌مه‌كى بگونجن و به‌ره‌ڤ به‌رفره‌هكرنا خزمه‌ت و حه‌زوخواستێت پێدڤى.