ل رۆژا 10/9/2020 بالیوزێ ئهرمینیا ل عیراقێ (هۆراچ پۆلادیان) و شاندهكێ ل گهل دا سهرهدانا زانكۆیا دهۆك دا و ژ لایێ سهرۆكێ زانكۆیێ پ. د. مصلح دهۆكی پێشوازی لێ هاته كرن.
د روینشتنهكێ دا سهرۆكێ زانكۆیێ بهحسێ رهوشا خاندنێ كر ل زانكۆیا دهۆك و پتر پێشخستنا پهیوهندیێن زانكۆیا دگهل زانكۆیێن ئهرمینیا و دیسا بهحسێ وێ ئێكێ كر كو قوتابیێن زانكۆیا دهۆك بشێن ل زانكۆیێن ئهرمینیا خاندنا خو تمام بكهن ب باوهرنامێن ههڤپشك ههروهكو وی پرۆگرامێ نوكه زانكۆیا دهۆك دگهل ژمارهكا زانكۆیێن ناڤدارێن جیهانی ههی.
بالیوزێ ئهرمینیا ل عیراقێ (هۆراچ پۆلادیان) خوشحالیا خو دیاركر كو ئهڤرو سەرەدانا زانكۆیا دهۆك کریە و گوت دێ ههولا خوشكرنا پهیوهندیێن زانكۆیێن كوردستانێ ئهرمینیا دهم و ئهڤرو مه رێکكهفتنا دناڤبهرا زانكۆیا دهۆك و زانكۆیا ئیریڤانێ یاحكومی ئیمزا كر كو دێ بیته رێكخوشكهرهك بو ئالوگورێن ئهكادیمی.
سهرۆكێ زانكۆیا دهۆك پرۆفیسور د. مصلح دهۆكی پشتی ئیمزاكرنا رێكهفتنا زانستی یا دناڤبهرا زانكۆیا ئیرڤانێ و زانكۆیا دهۆك دا د كونگرهكێ روژنامهڤانی دا دیاركر"ئهڤ رێكکهفتنامه بو گوهرینا ماموستا و قوتابیانه دهمێ رهوشا تهندروستی ئاسایی دبیت ههروهسا بو ئهنجامدانا فهكولینێن ههڤپشكن دناڤبهرا ههردوو زانكۆیان دا و مهل بهره ل داهاتی هژمارهكا بهشێن ههڤپشك ڤهكەین كو باوهرنامێن ههڤپشك ب دهینه قوتابیان و ژ نهو دێ دهست ب ئهنجام دانا سمینار و وورك شوپان بشوێ ئونلاین كهین ل گهل زانكۆیا ئیریڤان".
هەژی ئاماژێ یە نوكه 400 قوتابیێن كوردستانێ ل زانكۆیێن ئهرمینیا دخوینن.
هەروەسا ل ڤان نێزیكا وهلاتێ ئهرمینیا دێ قونسلخانا خو ل ههولیرێ ڤهكهت.