ل رۆژا 10/1/2022 كۆربهندهك ل زانكۆیا دهۆك لدۆر چاوانیا دانوستاندنێن لیژنا دهستوورێ سۆریێ هاته ئهنجامدان. ئهڤ كۆربهنده ژلایێ كولیژا زانستێن سیاسی و سهنتهرێ بێشكچی بۆ ڤهكۆلینێن مرۆڤایهتی ڤه، و ب ههڤكاری دگهل سهنتهرێ ئهوروپی بۆ ڤهكۆلینێن كوردی ل بهرلین، هاتبوو رێكخستن.
د. ههوار خهلیل راگرێ كۆلیژ زانستێن سیاسی گۆت ئهڤ چالاكیه د چارچووڤێ دارشتنا دستوورێ داهاتی یێ سۆریێ دا هاتیه رێكخستن، ئهو كهسێن بابهتان پێشكێش دكهن، سیامهند حاجۆ و حهواس سهعدوون ژ دهستهكا راوێژكاری، رۆلهكێ سهرهكی د دهستوورێ داهاتی یێ سۆریێ دا ههیه، ب تایبهتی كو ئهم دبینین كو دكومیتا دهستوورێ سۆریێ دا، كهسهكێ كورد ئهندامه و ئهڤ كهسه ب راوێژا ڤان ههردوو كهسا كاریگهریهكا خورت دبینیت كو نینهرێن جودا هاتینه دهستنیشانكرن و نوینهرین كوردا ژی دگهلن.
كۆربهند ل ناڤهندا قوتابیان هاتبوو ئهنجامدان مامۆستا و قوتابیێن كۆلیژا زانستێن سیاسی تێدا پشكدار بوون، زێدهباری مامۆستایێن سهنتهرێ بێشكچی یێ ڤهكۆلینێن مرۆڤایهتی.