قائیمقامێ قەزا شنگالێ مەحما خەلیل ل روژا 2021/7/24 سەرەدانا رێڤەبەریا پشکێن ناڤخۆیی ل زانکۆیا دهۆک کر ژبۆ ئاکنجی کرنا وان قوتابیێن کچ یێن قەزا شنگالێ یێن پولا دوازدێ کو دێ ئەزموونێن دووماهیا سالێ کەن.
مەردان ئەحمەد ئهتروشی رێڤەبەرێ پشکێن ناڤخۆیی دیار کر کو هژمارا وان قوتابیێن کچ 260 قوتابی نە و دێ ل پشکێن ناڤخۆیی یێن کچان هێنە ئاکنجی کرن هەتا ئەزموونێن وان بدووماهی دهێن.
زانكۆیا دهۆك پێشوهخهت بهرههڤیا خو دیاركر بوو بو دابینكرنا پشكێن نافخویی بو قوتابیێن قەزا شنگالێ بو ئهنجامدانا ئهزموونان كو ههمی پێتڤیێن قوتابی دێ بو هێنه ئاماده كرن .
هەژی گۆتنێ یە ئەزموونێن پۆلا 12 ل رۆژا 25/7 دەستپێکرن و ل پارێزگەها دهوکێ 38 هزار و123 قوتابی ل 696 بنگەهێن ئەزموونان د ڤان ئەزموونان دا د پشکدارن.