د بوارێ خواندنێن ئاشتی و ململانەیان دا چوار سکۆلەرشیپ بۆ ستافێ ئەکادیمیێ زانکۆیا دهۆک هاتنە راگەهاندن
Feb. 21, 2022, 10:10 p.m.

د چارچۆڤێ پرۆژێ (بناغەیێن ئاشتیێ: خورتکرنا ڤەکۆلین و وانەگۆتنێ و نیڤدەولەتیکرنا خواندنێن ئاشتی و ململانەیان ل عیراقێ)، زانکۆیا (یوستوس لیبش) ل باژێرێ گیسن ل ئەلمانیا، چوار سکۆلەرشیپ بۆ ستافێ ئەکادیمیێ زانکۆیا دهۆک راگەهاندن، کو زانکۆیا ناڤبری دێ مەزاختیێن خواندنێ، هاتنوچوونێ و ئاکنجیبوونێ ب ستویێ خۆ ڤەگریت. ئەڤ چوار سکۆلەرشیپە ب ڤی شێوەیێ ل خوارێ نە:

١- سکۆلەرشیپەک بۆ وان قوتابیێن دکتۆرایێ، ئەوێن نامەیێن خۆ لدۆر خواندنێن ئاشتی و ململانەیان دنڤێسن، کو ماوێ وێ هەیڤەکە (هاڤینا ٢٠٢٢ێ).

٢ سکۆلەرشیپەک بۆ وان قوتابیێن ماستەرێ، ئەوێن نامەیێن خۆ لدۆر خواندنێن ئاشتی و ململانەیان دنڤێسن، کو ماوێ وێ چوار هەیڤن (نیسان تاکو تیرمەها ٢٠٢٢ێ).

٣- سکۆلەرشیپەک بۆ هەلگرێن باوەرناما دکتۆرایێ، ئەوێن گرنگیێ ددەنە خواندنێن ئاشتی و ململانەیان ، کو ماوێ وێ ٩ رۆژن(هاڤینا ٢٠٢٢ێ).

٤- سکۆلەرشیپەک بۆ وان قوتابیێن دکتۆرایێ، ئەوێن نامەیێن خۆ لدۆر خواندنێن ئاشتی و ململانەیان دنڤێسن، کو ماوێ وێ پێنج هەیڤن (ئادار تاکو تەباخا ٢٠٢٢ێ).

بۆ زانینا چەوانی و مەرجێن پێشکێشکرنێ و هەروەسا کارنامە و ئەرکێن پشکداریکرنێ، تەماشای دوکیۆمێنتێن ل خوارێ بکە.