بریارا هژمارتنا ئارەزوومەندانەیا نمرەیا وانەیێن کوردی و عەرەبی هاتە هەلوەشاندن
Nov. 2, 2022, 1:56 p.m.

بڕیارا هژمارکرنا ئارەزوومەندانە یا نمرەیا وانەیێن کوردی و عەرەبی هاتە هەلوەشاندن، بەلێ بجهئینانا بڕیارا هەلوەشاندی دێ ل سەر قوتابیێن پۆلا دوازدێ یێن سالا (٢٠٢٥-٢٠٢٦) هێتە بجهئینان، ئانکو ل وێ سالێ وانەیا زمانێ کوردی و عەرەبی ل قۆناغا دوازدێ ئامادەیی وەکو هەمی وانەیێن دی ل سیستەمێ وەرگرتنێ دێ هێتە هژمارکرن.

د هەمان دەم دا وەزارەتا خواندنا بلند و ڤەکۆلینێن زانستی دێ کارکەت بۆ گوهۆرینا سیستەمێ ناڤەندیێ وەرگرتنێ، ب رێکا دانانا تاقیکرنا ستاندارد یا نیشتیمانی بۆ وەرگرتنێ ل زانکۆ و پەیمانگەهان، کو تێدا حەز و ڤیان و شیانێن داهێنان و هزرکرنا رەخنەگڕانە و ئاراستەیا پیشەیی قوتابیان دێ هێتە ل بەرچاڤ وەرگرتن و زانکۆ ژی دێ پشکداربن د پڕۆسەیا هەلسەنگاندنا دەرچوویێن ئامادەیی ل سەر بنەما و پرەنسیپێن خواندنێن پەیوەندیدار.